ಮಂಗಳೂರು: ಸಿಸಿಬಿ ಇನ್ಸ್‌‌ಪೆಕ್ಟರ್‌‌ ಶಿವಪ್ರಕಾಶ್‌, ಎಸ್‌‌ಐ ಕಬ್ಬಳ್‌ರಾಜ್‌ ವರ್ಗಾವಣೆ

•   Wed, Nov 18 2020 12:20:35 PM



• ಮಂಗಳೂರು, ನ.18 (DaijiworldNews/PY): ನಗರ ಅಪರಾಧ ಪತ್ತೆದಳ (ಸಿಸಿಬಿ)ದ ಇನ್ಸ್‌‌ಪೆಕ್ಟರ್‌ ಶಿವಪ್ರಕಾಶ್‌‌‌‌ ಹಾಗೂ ಎಸ್‌ಐ ಕಬ್ಬಳ್‌‌‌ರಾಜ್‌ ಅವರನ್ನು ವರ್ಗಾವಣೆ ಮಾಡಿ ರಾಜ್ಯ ಸರ್ಕಾರ ಅದೇಶ ಹೊರಡಿಸಿದೆ.

  
  ಸಾಂದರ್ಭಿಕ ಚಿತ್ರ

  ಮಂಗಳೂರು ಡ್ರಗ್ಸ್‌‌ ಮೂಲದ ತನಿಖಾ ತಂಡದ ನೇತೃತ್ವ ವಹಿಸಿದ ಸಿಸಿಬಿ ಇನ್ಸ್‌‌ಪೆಕ್ಟರ್‌‌‌ ಶಿವಪ್ರಕಾಶ್‌‌ ಅವರನ್ನು ಈ ಹಿಂದೆ ವರ್ಗಾವಣೆ ಮಾಡಲಾಗಿದ್ದು, ಕಾಪು ಇನ್ಸ್‌‌ಪೆಕ್ಟರ್‌‌‌ ಮಹೇಶ್‌ ಪ್ರಸಾದ್‌‌‌ ಅವರನ್ನು ಅವರ ಜಾಗಕ್ಕೆ ನಿಯೋಜನೆ ಮಾಡಲಾಗಿತ್ತು.

  ಡ್ರಗ್ಸ್‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಸಿಬಿ ಇನ್ಸ್‌‌ಪೆಕ್ಟರ್‌‌‌ ಶಿವಪ್ರಕಾಶ್‌‌ ಅವರ ತಂಡ ಕಿರುತೆರೆ ನಿರೂಪಕಿ, ನಟಿ ಅನುಶ್ರೀ ಅವರನ್ನು ವಿಚಾರಣೆಗೆ ಒಳಪಡಿಸಿತ್ತು. ಇದಾದ ಕೆಲವು ದಿನಗಳ ಬಳಿಕ ಶಿವಪ್ರಕಾಶ್‌ ಅವರನ್ನು ವರ್ಗಾವಣೆ ಮಾಡಲಾಯಿತು. ಆದರೆ, ಇದಕ್ಕೆ ಸಾರ್ವಜನಿಕರ ಆಕ್ಷೇಪ ವ್ಯಕ್ತವಾಗಿದ್ದು, ವರ್ಗಾವಣೆಯನ್ನು ತಡೆಹಿಡಿಯಲಾಗಿತ್ತು.

  ಇದೀಗ ಸಿಸಿಬಿ ಇನ್ಸ್‌‌ಪೆಕ್ಟರ್‌ ಶಿವಪ್ರಕಾಶ್‌ ಅವರನ್ನು ಮತ್ತೆ ವರ್ಗಾವಣೆ ಮಾಡಲಾಗಿದೆ.