ಮಂಗಳೂರು: ಕೊರೋನಾ ಮಧ್ಯೆ ಲೇಡಿಗೋಷನ್ ಆಸ್ಪತ್ರೆಯಲ್ಲಿ ದಾಖಲೆಯ ಹೆರಿಗೆ-ಅಕ್ಟೋಬರ್ ತಿಂಗಳಲ್ಲಿ 800 ಶಿಶುಗಳು ಜನನ

•   Sun, Nov 01 2020 11:28:22 PM



• ಮಂಗಳೂರು, ನ. 01 (DaijiworldNews/SM): ನಗರದ ಲೇಡಿ ಗೊಷನ್ ಆಸ್ಪತ್ರೆಯಲ್ಲಿ ಅಕ್ಟೋಬರ್ ಒಂದೇ ತಿಂಗಳಲ್ಲಿ ದಾಖಲೆಯ ಹೆರಿಗೆಗಳಾಗಿವೆ. ಒಂದೇ ತಿಂಗಳಲ್ಲಿ ಬರೋಬ್ಬರಿ 800ಕ್ಕೂ ಹೆಚ್ಚು ಶಿಶುಗಳಿಗೆ ಸುರಕ್ಷಿತ ಜನನವಾಗಿದೆ. ಇವುಗಳ ಪೈಕಿ 379 ರಲ್ಲಿ ಸಿಸೇರಿಯನ್ ಮತ್ತು ಉಳಿದವು ಸಾಮಾನ್ಯ ಹೆರಿಗೆಗಳಾಗಿವೆ.

  

  ಸಾಮಾನ್ಯವಾಗಿ, ಆಸ್ಪತ್ರೆಯು ಸುಮಾರು 450 ರಿಂದ 500 ಹೆರಿಗೆಗಳನ್ನು ನಿರ್ವಹಿಸುತ್ತದೆ. ಆದಾಗ್ಯೂ, ಲೇಡಿಗೋಷನ್ ನಲ್ಲಿ ಅಕ್ಟೋಬರ್ ತಿಂಗಳಲ್ಲಿ 800 ಹೆರಿಗೆಗಳು ಮತ್ತು ಸೆಪ್ಟೆಂಬರ್ 650 ಹೆರಿಗೆಗಳನ್ನು ದಾಖಲಿಸಿದೆ.

  ಕೋವಿಡ್ -19 ಸಾಂಕ್ರಾಮಿಕ ರೋಗವು ಪ್ರಾರಂಭವಾದಾಗ, ಧನಾತ್ಮಕ ಪರೀಕ್ಷೆ ನಡೆಸಿದ ಎಲ್ಲಾ ಗರ್ಭಿಣಿಯರನ್ನು ವೆನ್ಲಾಕ್ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಕಳುಹಿಸಲಾಗಿದೆ. ಇದನ್ನು ಹೊರತುಪಡಿಸಿ ಒಂದೇ ತಿಂಗಳಲ್ಲಿ ಲೇಡಿ ಗೋಷನ್ ಆಸ್ಪತ್ರೆಯಲ್ಲಿಯೇ 23 ಹಾಸಿಗೆಗಳ ಪ್ರತ್ಯೇಕ ಕೋವಿಡ್ ಬ್ಲಾಕ್ ಆರಂಭಿಸಲಾಗಿತ್ತು. ಇದರಿಂದಾಗಿ ಗರ್ಭಿಣಿಯರ ಆತಂಕವನ್ನು ನಿವಾರಿಸಲಾಗಿದೆ.

  ಕೊರೋನಾ ಸಾಂಕ್ರಾಮಿಕ ಸಂದರ್ಭದಲ್ಲಿ ಲೋಡಿಗೋಷನ್ ಆಸ್ಪತ್ರೆಯಲ್ಲಿ ಒಂದೇ ತಿಂಗಳಲ್ಲಿ ಅತ್ಯಧಿಕ ಸಂಖ್ಯೆಯ ಹೆರಿಗೆ ಆತ್ಮವಿಶ್ವಾಸ ಹೆಚ್ಚಿಸಿದೆ. ಅಲ್ಲದೆ, ಕೋವಿಡ್ ನಿರ್ವಹಣೆಗೆ ಕೈಗೊಂಡ ಕ್ರಮಗಳು, ಆಸ್ಪತ್ರೆಯಲ್ಲಿನ ಮೂಲ ಸೌಕರ್ಯಗಳು ಹಾಗೂ ಪ್ರಸ್ತುವ ವಸ್ತು ಸ್ಥಿತಿ ಯಾವ ರೀತಿ ಇದೇ ಎಂಬುವುದಕ್ಕೆ ಕೈಗನ್ನಡಿಯಂತಾಗಿದೆ. ದಕ್ಷಿಣ ಕನ್ನಡದಿಂದ ಮಾತ್ರವಲ್ಲದೆ ಉಡುಪಿ, ಕೊಡಗು, ಚಿಕ್ಕಮಗಳೂರು ಮತ್ತು ಕೇರಳದ ಕಣ್ಣೂರು ಜಿಲ್ಲೆಗಳಿಂದಲೂ ಹೆರಿಗೆಗೆ ಲೇಡಿ ಗೋಷನ್ ಆಸ್ಪತ್ರೆಯನ್ನು ಹಲವರು ಅವಲಂಬಿಸಿದ್ದು, ತಿಂಗಳೊಂದರ ದಾಖಲೆಯ ಹೆರಿಗೆ ಅವರಲ್ಲಿ ಆತ್ಮ ವಿಶ್ವಾಸ ಹೆಚ್ಚಿಸುವಂತೆ ಮಾಡಿದೆ.