ಜೇಮ್ಸ್‌ ಬಾಂಡ್‌ ಖ್ಯಾತಿಯ ನಟ ಸೀನ್ ಕಾನೆರಿ ವಿಧಿವಶ

•   Sat, Oct 31 2020 08:39:02 PM



• ವಾಷಿಂಗ್‌ಟನ್‌,ಅ. 31 (DaijiworldNews/HR): ಜೇಮ್ಸ್‌ ಬಾಂಡ್‌ ಖ್ಯಾತಿಯ ನಟ ಸೀನ್ ಕಾನೆರಿ(90) ನಿಧನರಾಗಿದ್ದಾರೆ.

  

  ಸ್ಕಾಟಿಷ್ ನಟರಾದ ಸೀನ್ ಕಾನೆರಿ ಜೇಮ್ಸ್ ಬಾಂಡ್ ಪಾತ್ರವನ್ನು ದೊಡ್ಡ ಪರದೆಗೆ ತಂದ ಮೊದಲ ನಟ ಎನಿಸಿಕೊಂಡಿದ್ದಾರೆ.

  ಹಾಲಿವುಡ್ ನಲ್ಲಿ ಈಗಾಗಲೇ ಬಾಂಡ್ ಹೆಸರಿನಲ್ಲಿ, 25 ಸಿನಿಮಾಗಳು ಬಂದಿದ್ದು, ಇದರಲ್ಲಿ ಮೊದಲ ಸಿನಿಮಾದಲ್ಲಿ ಸೀನ್ ಕಾನೆರಿ ನಟಿಸಿದ್ದರು. ಇವರ ಪೂರ್ಣ ಹೆಸರು ಸರ್ ಥಾಮಸ್ ಸೀನ್ ಕಾನೆರಿ.

  ಸೀನ್ ಕಾನೆರಿ ಅವರು 1930 ಆಗಸ್ಟ್ 25 ರಂದು ಫೌಂಟೇನ್ ಬ್ರಿಡ್ಜ್ ನಲ್ಲಿ ಜನಿಸಿದ್ದರು.

  ಕಾನೆರಿಯವರು ಆಸ್ಕರ್ ಸೇರಿದಂತೆ. ಮೂರು ಬಾರಿ ಗೋಲ್ಡನ್ ಗ್ಲೋಬ್ಸ್ ವಿಜೇತರಾಗಿದ್ದರು ಹಾಗೂ 2000ರ ಜುಲೈನಲ್ಲಿ ಕ್ವೀನ್ ಎಲಿಜಬೆತ್ II ಇವರಿಂದ 'ಸರ್' ಎಂಬ ಗೌರವವನ್ನು ಕೂಡ ಸ್ವೀಕರಿಸಿದ್ದರು.