ಕಿಸಾನ್‌ ಸೂರ್ಯೋದಯ ಸೇರಿದಂತೆ ಗುಜರಾತ್‌‌ನ ಮೂರು ಯೋಜನೆಗಳನ್ನು ಉದ್ಘಾಟಿಸಿದ ಪ್ರಧಾನಿ ಮೋದಿ

•   Sat, Oct 24 2020 02:07:23 PM



• ಅಹಮದಾಬಾದ್, ಅ.24 (DaijiworldNews/PY): ಪ್ರಧಾನಿ ನರೇಂದ್ರ ಮೋದಿ ಅವರು ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಕಿಸಾನ್‌‌ ಸೂರ್ಯೋದಯ ಸೇರಿದಂತೆ ಗುಜರಾತ್‌ನಲ್ಲಿನ ಮೂರು ಯೋಜನೆಗಳನ್ನು ಉದ್ಘಾಟಿಸಿದರು.

  

  ಇತ್ತಿಚೆಗೆ ಮುಖ್ಯಮಂತ್ರಿ ವಿಜಯ್‌ ರೂಪಾನಿ ಅವರು ರೈತರಿಗೆ ನೀರಾವರಿಗಾಗಿ ಹಗಲು ಹೊತ್ತಿನಲ್ಲಿ ವಿದ್ಯುತ್‌ ಪೂರೈಕೆ ಮಾಡುವ ನಿಟ್ಟಿನಲ್ಲಿ ಕಿಸಾನ್‌‌ ಸೂರ್ಯೋದಯ ಯೋಜನೆಯನ್ನು ಘೋಷಣೆ ಮಾಡಿದ್ದರು.

  ಕಿಸಾನ್‌‌ ಸೂರ್ಯೋದಯ ಯೋಜನೆಯಡಿ ಬೆಳಿಗ್ಗೆ 5 ಗಂಟೆಯಿಂದ ರಾತ್ರಿ 9ರವರೆಗೆ ವಿದ್ಯುತ್‌ ಪೂರೈಕೆ ಮಾಡಲಾಗುತ್ತಿದ್ದು, ಈ ಯೋಜನೆಗೆ ಬಜೆಟ್‌‌ನಲ್ಲಿ 3,500 ರೂ. ಅನ್ನು ಘೋಷಣೆ ಮಾಡಲಾಗಿತ್ತು. ಅಲ್ಲದೇ, ಟ್ರಾನ್ಸ್‌ಮಿಷನ್‌‌ ಮೂಲಸೌಕರ್ಯವನ್ನು 2023ರ ಒಳಗೆ ಕಲ್ಪಿಸುವ ಉ‌ದ್ದೇಶ ಹೊಂದಿದೆ.

  ಪ್ರಧಾನಿ ಮೋದಿ ಅವರು ಯುಎನ್ ಮೆಹ್ತಾ ಇನ್‌ಸ್ಟಿಟ್ಯೂಟ್ ಆಫ್‌ ಕಾರ್ಡಿಯಾಲಜಿ ಆ್ಯಂಡ್ ರಿಸರ್ಚ್‌ನ ಪೀಡಿಯಾಟ್ರಿಕ್ ಹಾರ್ಟ್ ಆಸ್ಪತ್ರೆ ಹಾಗೂ ಅಹಮದಾಬಾದ್‌‌‌‌ ಸಿವಿಲ್‌ ಆಸ್ಪತ್ರೆಯ ಟೆಲಿ-ಕಾರ್ಡಿಯಲಜಿಗಾಗಿ ಅಭಿವೃದ್ದಿಪಡಿಸಲಾದ ಮೊಬೈಲ್‌ ಆಪ್‌ ಅನ್ನು ವಿಡಿಯೋ ಕಾನ್ಪರೆನ್ಸ್‌ ಮೂಲಕ ಉದ್ಘಾಟಿಸಿದರು.