ಇಯಾನ್ ಮೊರ್ಗನ್‌‌ಗೆ ಕೆಕೆಆರ್‌ ತಂಡದ ನಾಯಕತ್ವ ಬಿಟ್ಟುಕೊಟ್ಟ ದಿನೇಶ್‌ ಕಾರ್ತಿಕ್‌‌

•   Fri, Oct 16 2020 04:15:04 PM



• ಮುಂಬೈ, ಅ. 16 (DaijiworldNews/PY): ಕೊಲ್ಕತ್ತಾ ನೈಟ್‌ ರೈಡರ್ಸ್ ತಂಡದ ನಾಯಕತ್ವದಿಂದ ದಿನೇಶ್‌ ಕಾರ್ತಿಕ್‌ ಅವರು ಹಿಂದೆ ಸರಿಯಲಿ ತೀರ್ಮಾನ ಮಾಡಿದ್ದು, ತಂಡದ ನಾಯಕತ್ವವನ್ನು ಇಂಗ್ಲೆಂಡ್‌ನ ಸೀಮಿತ ಓವರ್ ಕ್ರಿಕೆಟ್ ನಾಯಕ ಇಯಾನ್ ಮೊರ್ಗನ್ ಗೆ ಹಸ್ತಾಂತರಿಸಲು ತೀರ್ಮಾನಿಸಿದ್ದಾರೆ ಎಂದು ಶುಕ್ರವಾರ ಫ್ರಾಂಚೈಸಿ ತನ್ನ ಅಧಿಕೃತ ವೆಬ್‌ಸೈಟ್‌‌ನಲ್ಲಿ ಘೋಷಿಸಿದೆ.

  

  ಕೆಕೆಆರ್ ತಂಡವನ್ನು ಐಪಿಎಲ್‌-2020ಯ ಮಧ್ಯಂತರದವರೆಗೂ ಮುನ್ನಡೆಸಿದ ದಿನೇಶ್‌ ಕಾರ್ತಿಕ್‌ ಅವರು ನಾಯಕತ್ವನ್ನು ಇಯಾನ್‌ ಮೊರ್ಗನ್‌ ಅವರಿಗೆ ಕೊಡಲು ನಿರ್ಧಾರಿಸಿದ್ದಾರೆ.

  ದಿನೇಶ್‌ ಕಾರ್ತಿಕ್‌ ಅವರು 2018ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ನಾಯಕನಾಗಿ ನೇಮಕವಾಗಿದ್ದು, ಸುಮಾರು 37 ಪಂದ್ಯಗಳಲ್ಲಿ ಕೋಲ್ಕತ್ತಾ ತಂಡವನ್ನು ಮುನ್ನಡೆಸಿದ್ದರು. ಈ ಬಾರಿಯ ಐಪಿಎಲ್‌‌ನಲ್ಲಿ ಏಳು ಪಂದ್ಯಗಳಲ್ಲಿ ನಾಲ್ಕ ಪಂದ್ಯವನ್ನು ಗೆಲ್ಲಿಸಿಕೊಟ್ಟಿದ್ದಾರೆ. ಪ್ರಸ್ತುತ ಅಂಕಪಟ್ಟಿಯಲ್ಲಿ ಕೆಕೆಆರ್‌ ನಾಲ್ಕನೇ ಸ್ಥಾನದಲ್ಲಿದೆ.

  ಈ ಬಗ್ಗೆ ಮಾತನಾಡಿರುವ ಕೆಕೆಆರ್‌ ತಂಡದ ಸಿಇಒ ವೆಂಕಿ ಮೈಸೂರು ಅವರು, ದಿನೇಶ್‌ ಕಾರ್ತಿಕ್‌ ಅವರ ಈ ತೀರ್ಮಾನದಿಂದ ಶಾಕ್‌ ಆಗಿದೆ. ಆದರೆ, ಅವರ ತೀರ್ಮಾನವನ್ನು ನಾವು ಗೌರವಿಸುತ್ತೇವೆ ಎಂದಿದ್ದಾರೆ.

  📰 "DK and Eoin have worked brilliantly together during this tournament and although Eoin takes over as captain, this is effectively a role swap," says CEO and MD @VenkyMysore #IPL2020 #KKR https://t.co/6dwX45FNg5

  — KolkataKnightRiders (@KKRiders) October 16, 2020