ವಿಟ್ಲ: ಒಂಟಿ ಮಹಿಳೆಯ ಮನೆಗೆ ದಾಳಿ ಮಾಡಿ, ಹಲ್ಲೆ ನಡೆಸಿದ ಆರೋಪಿಯ ಸ್ಥಳ ಮಹಜರು

•   Mon, Oct 12 2020 03:47:19 PM



• ವಿಟ್ಲ, ಅ. 12 (DaijiworldNews/HR): ವಿಟ್ಲ ಕಸಬಾ ಗ್ರಾಮದ ಮೇಗಿನಪೇಟೆ ಎಂಬಲ್ಲಿ ಒಂಟಿ ಮಹಿಳೆಯ ಮನೆಗೆ ದಾಳಿ ನಡೆಸಿ, ಹಲ್ಲೆ ನಡೆಸಿದ ಆರೋಪದಲ್ಲಿ ಬಂಧಿತನಾದ ಆರೋಪಿಯನ್ನು ವಿಟ್ಲ ಪೊಲೀಸರು ಸ್ಥಳಕ್ಕೆ ಕರೆ ತಂದು ಸ್ಥಳ ಮಹಜರು ನಡೆಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು.

   

  

  

  

  ಉತ್ತರ ಪ್ರದೇಶ ಸಹರನಪುರ ಜಿಲ್ಲೆ ನಿವಾಸಿ ಜುಬೈರ್ ಅಹಮ್ಮದ್ (24) ಎಂಬಾತನನ್ನು ಭಾನುವಾರ ಪೊಲೀಸರು ಬಂಧಿಸಿದ್ದರು.

  ಇಂದು ಬೆಳಿಗ್ಗೆ ಮಹಿಳೆಯ ಮನೆಯತ್ತ ಕರೆ ತಂದು, ಮನೆಗೆ ಬೀಗ ಹಾಕಿದ ಕೀ ಮತ್ತು ಆತ ಕೆಲಸ ಮಾಡುವ ಮಿಲ್ ಗೆ ಕರೆದುಕೊಂಡು ಹೋಗಿ ಘಟನೆ ನಡೆದ ಸಂದರ್ಭ ಆತ ಧರಿಸಿದ್ದ ಉಡುಪುಗಳನ್ನು ಆತನ ಮೂಲಕ ಪತ್ತೆ ಹಚ್ಚಿಸಿದ್ದಾರೆ. ಬಳಿಕ ಆತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.