ಜಮ್‌ಶೆಡ್‌ಪುರದಲ್ಲಿ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ - ಐವರ ಬಂಧನ

•   Sat, Oct 10 2020 01:47:55 PM



• ಜಾರ್ಖಂಡ್‌, ಅ. 10 (DaijiworldNews/HR) : 17 ವರ್ಷದ ಬಾಲಕಿ ಮೇಲೆ ಜಮ್‌ಶೆಡ್‌ಪುರದಲ್ಲಿ ಸಾಮೂಹಿಕ ಅತ್ಯಾಚಾರ ನಡೆಸಿದ ಐದು ಮಂದಿ ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  

  ಆರೋಪಿಗಳನ್ನು ಟಿ.ಯು.ಶಂಕರ್‌, ರೋಷನ್‌ ಕುಜೂರ್‌, ಸೂರಜ್‌ ಪತ್ರೋ ಮತ್ತು ಸನ್ನಿ ಸೊರೆನ್‌ ಎಂದು ಗುರುತಿಸಲಾಗಿದೆ.

  ತನ್ನ ಮನೆ ಬಳಿ ಬಾಗ್‌ಬೆರಾ ಪ್ರದೇಶದಲ್ಲಿ ಬಾಲಕಿಯು ಗೆಳೆಯನೊಂದಿಗೆ ಮಾತನಾಡುತ್ತಿದ್ದ ವೇಳೆ ಆರೋಪಿಗಳು ಇಬ್ಬರನ್ನು ಅಪಹರಿಸಿ ನಿರ್ಜನ ಪ್ರದೇಶಕ್ಕೆ ಕರೆದುಕೊಂಡು ಹೋಗಿ ಅತ್ಯಾಚಾರ ವೆಸಗಿದ್ದಾರೆ ಎಂದು ಹಿರಿಯ ಪೊಲೀಸ್‌ ವರಿಷ್ಠಾಧಿಕಾರಿ ತಮಿಳ್‌ ವನನ್‌ ಮಾಹಿತಿ ನೀಡಿದ್ದಾರೆ.

  ಇನ್ನು ಆಕೆಯ ಗೆಳೆಯನನ್ನು ಕಟ್ಟಿಹಾಕಿ ಆತನ ಎದುರಲ್ಲೇ ಆಕೆಯ ಮೇಲೆ ಅತ್ಯಾಚಾರ ನಡೆಸಿರುವುದಾಗಿ ಆರೋಪಿಗಳು ತಪ್ಪೊಪ್ಪಿಕೊಂಡಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.