ದೇಶದಲ್ಲಿ 1 ತಿಂಗಳಲ್ಲಿ ಸೋಂಕಿತರ ಗುಣಮುಖ ಪ್ರಮಾಣ ಶೇ.100ರಷ್ಟು ಹೆಚ್ಚಳ

•   Tue, Sep 29 2020 09:55:28 AM



• ಬೆಂಗಳೂರು, ಸೆ. 29(DaijiworldNews/HR): ಕೊರೊನಾ ಸೋಂಕಿನಿಂದ ದೇಶದಲ್ಲಿ 50 ಲಕ್ಷಕ್ಕೂ ಅಧಿಕ ಜನರು ಗುಣಮುಖರಾಗಿದ್ದಾರೆ. ಕಳೆದ ಒಂದು ತಿಂಗಳಲ್ಲಿ ಭಾರತದಲ್ಲಿ ಗುಣಮುಖರಾಗುವ ಪ್ರಮಾಣ ಶೇ 100ಕ್ಕೆ ಸಮೀಪ ಏರಿಕೆಯಾಗಿರುವುದಾಗಿ ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

  

  ಭಾರತದಲ್ಲಿ 61 ಲಕ್ಷಕ್ಕೂ ಹೆಚ್ಚು ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, ಆ ಪೈಕಿ 50 ಲಕ್ಷಕ್ಕೂ ಹೆಚ್ಚು ಜನರು ಗುಣಮುಖರಾಗಿದ್ದಾರೆ. ಅಂದರೆ, ಒಟ್ಟು ಪ್ರಕರಣಗಳ ಪೈಕಿ ಶೇ 82ರಷ್ಟು ಪ್ರಕರಣಗಳಲ್ಲಿ ಸೋಂಕಿತರು ಚೇತರಿಸಿಕೊಂಡಿದ್ದಾರೆ.

  ಇನ್ನು ಆಗಸ್ಟ್‌ 27ರಂದು ದೇಶದಲ್ಲಿ 25.23 ಲಕ್ಷ ಜನರು ಗುಣಮುಖರಾಗಿದ್ದು, ಆ ಪ್ರಮಾಣ ಸೆಪ್ಟೆಂಬರ್‌ 17ಕ್ಕೆ 40 ಲಕ್ಷ ಹಾಗೂ ಸೆಪ್ಟೆಂಬರ್‌ 28ಕ್ಕೆ 50 ಲಕ್ಷ ದಾಟಿರುವುದಾಗಿ ಆರೋಗ್ಯ ಸಚಿವಾಲಯ ಮಾಹಿತಿ ಪ್ರಕಟಿಸಿದೆ.

  #IndiaFightsCorona
  
  India has witnessed close to 100% increase in recoveries in the past month.
  
  More than 82% of total cases (exceeding 50L) recovered and discharged.
  
  Active cases (lower than 10L) a small proportion (less than 1/5th) of total cases. pic.twitter.com/DL0G7MxqwH

  — Ministry of Health (@MoHFW_INDIA) September 29, 2020