ರಫೇಲ್ ಯುದ್ಧ ವಿಮಾನದ ಪ್ರಥಮ ಮಹಿಳಾ ಪೈಲಟ್ ಶಿವಾಂಗಿ ಸಿಂಗ್

•   Thu, Sep 24 2020 01:49:48 PM



• ನವದೆಹಲಿ, ಸೆ. 24(DaijiworldNews/HR): ಸೆಪ್ಟೆಂಬರ್ 10ರಂದು ಭಾರತೀಯ ವಾಯುಪಡೆಗೆ ಸೇರ್ಪಡೆಯಾಗಿದ್ದ ರಫೇಲ್ ಯುದ್ಧವಿಮಾನದ ಮೊದಲ ಮಹಿಳಾ ಪೈಲಟ್ ಆಗಿ ವಾರಾಣಸಿ ಮೂಲದ ಫ್ಲೈಟ್ ಲೆಫ್ಟಿನೆಂಟ್ ಶಿವಾನಿ ಸಿಂಗ್ ಸೇರ್ಪಡೆಯಾಗಿದ್ದಾರೆ.

  

  ವಾಯುಪಡೆಯ ಅತ್ಯಂತ ಹಳೆಯ ಯುದ್ಧ ವಿಮಾನಗಳಲ್ಲಿ ಒಂದಾಗಿರುವ ಮಿಗ್-21 ಬಿಸನ್ ಚಲಾಯಿಸುತ್ತಿದ್ದ ಲೆಫ್ಟಿನೆಂಟ್ ಶಿವಾನಿ ಸಿಂಗ್ ಇನ್ನು ವಾಯುಪಡೆಯ ಅತ್ಯಾಧುನಿಕ ಮತ್ತು ಪ್ರಬಲ ಯುದ್ಧ ವಿಮಾನವಾದ ರಫೇಲ್ ಅನ್ನು ಚಲಾಯಿಸಲಿದ್ದಾರೆ.

  ಮೂಲತಃ ಉತ್ತರ ಪ್ರದೇಶದ ವಾರಾಣಸಿಯವರಾದ ಶಿವಾನಿ ಸಿಂಗ್ 2017ರಲ್ಲಿ ವಾಯುಪಡೆಗೆ ಸೇರ್ಪಡೆಯಾದ ಐಎಎಫ್​ ಅಧಿಕಾರಿ. ಭಾರತದ 10 ಮಹಿಳಾ ಫೈಟರ್ ಪೈಲಟ್​ಗಳಲ್ಲಿ ಶಿವಾನಿ ಸಿಂಗ್ ಕೂಡ ಒಬ್ಬರಾಗಿದ್ದಾರೆ. ಅತ್ಯಾಧುನಿಕವಾದ ರಫೇಲ್ ಯುದ್ಧವಿಮಾನವನ್ನು ಚಲಾಯಿಸಲು ಶಿವಾನಿ ಸಿಂಗ್​ ಅವರಿಗೆ ತರಬೇತಿ ನೀಡಲಾಗುತ್ತಿದೆ.
  
  ಶಿವಾನಿ ಸಿಂಗ್ ಹರಿಯಾಣದ ಅಂಬಾಲದಲ್ಲಿರುವ ಗೋಲ್ಡನ್ ಆಯರೋಸ್​ನ 17 ಪೈಲಟ್​ಗಳ ತಂಡಕ್ಕೆ ಇದೀಗ ಸೇರ್ಪಡೆಯಾಗಿದ್ದಾರೆ. ಶಿವಾನಿ ಯುದ್ಧ ವಿಮಾನಗಳ ಹಾರಾಟದಲ್ಲಿ ಪರಿಣತಿ ಪಡೆದಿದ್ದು,ಇದೀಗ ಅವರು ವಾಯುಪಡೆಯ ಅತ್ಯಂತ ಹಳೆಯ ಯುದ್ಧವಿಮಾನದ ಚಾಲನೆಯಿಂದ ಅತ್ಯಾಧುನಿಕ ಯುದ್ಧವಿಮಾನವಾದ ರಫೇಲ್ ಪೈಲಟ್ ಆಗಿ ಆಯ್ಕೆಯಾಗಿರುವ ಮೂಲಕ ಭಾರತದ ಹೆಮ್ಮೆಯ ಮಹಿಳೆಯಾಗಿ ಹೊರಹೊಮ್ಮಿದ್ದಾರೆ.