ಜಮ್ಮು-ಕಾಶ್ಮೀರ: ಮತ್ತೆ ಕದನ ವಿರಾಮ ಉಲ್ಲಂಘಿಸಿದ ಪಾಕ್‌- ಎಲ್‌ಒಸಿಯಲ್ಲಿ ಶೆಲ್‌ ದಾಳಿ

•   Wed, Sep 23 2020 11:48:48 AM



• ಜಮ್ಮು, ಸೆ 23(Daijiworld News/PY): ಪಾಕ್‌ ಸೇನೆ ಮತ್ತೊಮ್ಮೆ ಕದನ ವಿರಾಮ ಉಲ್ಲಂಘನೆ ಮಾಡಿದ್ದು, ಜಮ್ಮು-ಕಾಶ್ಮೀರದ ಪೂಂಚ್‌‌ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯ ಉದ್ದಕೂ ಶೆಲ್‌ ದಾಳಿ ಹಾಗೂ ಭಾರೀ ಗುಂಡಿನ ದಾಳಿ ನಡೆಸಿದ ಎಂದು ಬುಧವಾರ ಅಧಿಕಾರಿಗಳು ಹೇಳಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಪಾಕಿಸ್ತಾನ ಸೇನೆಯು ಇಂದು ಕೆರ್ನಿ, ಕಸ್ಬಾ ಮತ್ತು ಶಹಪುರ್ ವಲಯಗಳಲ್ಲಿ ಎಲ್‌‌ಒಸಿಯ ಉದ್ದಕ್ಕೂ ಶಸ್ತ್ರಾಸ್ತ್ರಗಳಿಂದ ಗುಂಡಿನ ದಾಳಿ ಹಾಗೂ ಶೆಲ್‌‌ ದಾಳಿ ನಡೆಸುವ ಮೂಲಕ ಅಪ್ರಚೋದಿತ ಕದನ ವಿರಾಮ ಉಲ್ಲಂಘನೆ ಮಾಡಿದೆ ಎಂದು ರಕ್ಷಣಾ ವಕ್ತಾರು ತಿಳಿಸಿದ್ದಾರೆ.

  ಪಾಕಿಸ್ತಾನದ ದಾಳಿಗೆ ಭಾರತೀಯ ಸೇನೆಯು ಸರಿಯಾದ ಪ್ರತ್ಯುತ್ತರ ನೀಡಿದೆ. ಪಾಕಿಸ್ತಾನ ಸೇನೆಯು ಈ ತಿಂಗಳಿನಲ್ಲಿ ಸುಮಾರು 37 ಬಾರಿ ಕದನ ವಿರಾಮ ಉಲ್ಲಂಘಿಸಿದೆ ಎಂದು ರಕ್ಷಣಾ ವಕ್ತಾರರು ಹೇಳಿದ್ದಾರೆ.