ಹುಟ್ಟುವ ಮಗುವಿನ ಲಿಂಗ ತಿಳಿಯಲು ಗರ್ಭಿಣಿ ಪತ್ನಿಯ ಹೊಟ್ಟೆ ಸೀಳಿದ ಪಾಪಿ ಪತಿ

•   Sun, Sep 20 2020 06:00:14 PM



• ಲಖನೌ,ಸೆ.20 (DaijiworldNews/HR): ದುಷ್ಟ ಪತಿಯೋರ್ವ ಹುಟ್ಟುವ ಮಗು ಗಂಡೋ ಹೆಣ್ಣೋ ಎಂದು ತಿಳಿಯಲು ತನ್ನ ಗರ್ಭಿಣಿ ಪತ್ನಿಯ ಹೊಟ್ಟೆ ಸೀಳಿರುವ ಘಟನೆ ಉತ್ತರ ಪ್ರದೇಶದ ಬುಡಾನ್​ ಜಿಲ್ಲೆಯ ನೇಕ್​ಪುರ್ ನಲ್ಲಿ ನಡೆದಿದೆ.

  

  ಗಂಡು ಮಗು ಬೇಕು ಎಂದು ಪರಿತಪಿಸುತ್ತಿದ್ದ ಪತಿ ತನ್ನ ಪತ್ನಿಗೆ ಹುಟ್ಟಲಿರುವ ಮಗುವಿನ ಲಿಂಗ ತಿಳಿಯಲು ಪತ್ನಿಯ ಗರ್ಭವನ್ನೇ ಚಾಕುವಿನಿಂದ ಸೀಳಿದ್ದಾನೆ. ನೇಕ್​ಪುರ್ ನಿವಾಸಿ ಪನ್ನಾಲಾಲ್ ಎಂಬಾತ ಈ ಕೃತ್ಯವೆಸಗಿದ್ದು, ಪ್ರಸ್ತುತ ಆತನನ್ನು ಪೊಲೀಸರು ಬಂಧಿಸಿದ್ದಾರೆ.

  ಪನ್ನಲಾಲ್ ಮತ್ತುಆತನ ಪತ್ನಿಗೆ ಈ ಹಿಂದೆ 5 ಹೆಣ್ಣಮಕ್ಕಳು ಜನಿಸಿದ್ದು, ದಂಪತಿ ಆರನೇ ಮಗುವಿನ ನಿರೀಕ್ಷೆಯಲ್ಲಿದ್ದರು. ಈ ಹಿಂದೆ ಸತತ 5 ಹೆಣ್ಣು ಮಕ್ಕಳಾದ್ದರಿಂದ ಪನ್ನಲಾಲ್ ಹುಟ್ಟಲಿರುವ ಮಗುವಿನ ಲಿಂಗ ತಿಳಿಯಲು ಇಚ್ಛಿಸಿದ್ದ. ಹೀಗಾಗಿ ತನ್ನ 35 ವರ್ಷದ 7 ತಿಂಗಳ ಗರ್ಭಿಣಿ ಹೊಟ್ಟೆಯನ್ನು ಚೂಪಾದ ಸಾಧನದಿಂದ ಸೀಳಿದ್ದಾನೆ. ತೀವ್ರ ರಕ್ತ ಸ್ರಾವದಲ್ಲಿ ಸಾವು-ನೋವು ನಡುವೆ ಒದ್ದಾಡುತ್ತಿದ್ದ ಮಹಿಳೆಯನ್ನು ಬರೇಲಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಆಕೆ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾಳೆ ಎಂದು ತಿಳಿದು ಬಂದಿದೆ.

  ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಪನ್ನಾಲಾಲ್ ನನ್ನು ಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ.