ಪುಲ್ವಾಮ ಮಾದರಿ ಉಗ್ರ ದಾಳಿ- ಸಂಚು ವಿಫಲಗೊಳಿಸಿ 52 ಕೆ.ಜಿ ಸ್ಪೋಟಕ ವಶಪಡಿಸಿಕೊಂಡ ಸೇನೆ

•   Fri, Sep 18 2020 08:14:10 AM



• ಶ್ರೀನಗರ, ಸೆ.(DaijiworldNews/HR): ಪುಲ್ವಾಮಾ ಮಾದರಿಯಲ್ಲಿ ಜಮ್ಮು ಕಾಶ್ಮೀರದಲ್ಲಿ ದಾಳಿ ನಡೆಸಲು ಮುಂದಾಗಿದ್ದ ಉಗ್ರರ ಸಂಚು ಫಲಗೊಳಿಸುವಲ್ಲಿ ಭಾರತೀಯ ಸೇನೆ ಯಶಸ್ವಿಯಾಗಿದೆ.

  

  ಪುಲ್ವಾಮಾದಿಂದ ಸುಮಾರು 9. ಕಿ.ಮೀ. ದೂರದಲ್ಲಿ ಬರೋಬ್ಬರಿ 52 ಕೆ.ಜಿ. ತೂಕದ ಸ್ಪೋಟಕ ವಶಪಡಿಸಿಕೊಳ್ಳುವಲ್ಲಿ ಭದ್ರತಾ ಪಡೆ ಯಶಸ್ವಿಯಾಗಿದೆ ಎಂದು ತಿಳಿದು ಬಂದಿದೆ.

  ಶೋಧ ಕಾರ್ಯದ ವೇಳೆ ಹಣ್ಣಿನ ತೋಟವೊಂದರಲ್ಲಿ ಹೂತು ಹಾಕಿದ್ದ ಸಿಂಟೆಕ್ಸ್ ಟ್ಯಾಂಕ್ ಒಳಗಡೆ 52 ಕೆಜಿ ಸ್ಪೋಟಕ ವಸ್ತು ಪತ್ತೆಯಾಗಿದೆ. ಈ ಸ್ಪೋಟಕಗಳನ್ನು 416 ಪೊಟ್ಟಣಗಳಾಗಿ ವಿಂಗಡಿಸಲಾಗಿದ್ದು, ಪ್ರತಿಯೊಂದು ಪೊಟ್ಟಣವೂ 125 ಗ್ರಾಂ ತೂಕ ಹೊಂದಿದೆ ಎಂದು ಸೇನಾಪಡೆ ಹೇಳಿದೆ.