ಕಾಸರಗೋಡು ಜಿಲ್ಲೆಯಲ್ಲಿ 7 ಸಾವಿರ ದಾಟಿದ ಕೊರೋನಾ ಸೋಂಕಿತರ ಸಂಖ್ಯೆ

•   Sat, Sep 12 2020 07:29:29 PM



• ಕಾಸರಗೋಡು, ಸೆ 11 (DaijiworldNews/SM): ಜಿಲ್ಲೆಯಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ 7 ಸಾವಿರ ದಾಟಿದೆ. ಫೆಬ್ರವರಿ 3 ರಂದು ಜಿಲ್ಲೆಯಲ್ಲಿ ಮೊದಲ ಪ್ರಕರಣ ದಾಖಲಾಗಿತ್ತು. ಸಪ್ಟೆಂಬರ್ 12ರ ಶನಿವಾರ 150 ಮಂದಿಗೆ ಸೋಂಕು ದ್ರಢಪಟ್ಟಿದ್ದು, ಇದರಿಂದ ಒಟ್ಟು ಸೋಂಕಿತರ ಸಂಖ್ಯೆ 7070 ಕ್ಕೆ ತಲುಪಿದೆ.

  

  ಈ ಪೈಕಿ 5996 ಮಂದಿಗೆ ಸಂಪರ್ಕದಿಂದ ಸೋಂಕು ತಗಲಿದೆ. 5005 ಮಂದಿ ಗುಣಮುಖರಾಗಿದ್ದಾರೆ. 2014 ಮಂದಿ ಪ್ರಸ್ತುತ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸೋಂಕಿತರಲ್ಲಿ 618 ಮಂದಿ ವಿದೇಶದಿಂದ ಹಾಗೂ 456 ಮಂದಿ ಹೊರ ರಾಜ್ಯಗಳಿಂದ ಬಂದವರಾಗಿದ್ದಾರೆ. ಇದುವರೆಗೆ 52 ಮಂದಿ ಸೋಂಕಿನಿಂದಾಗಿ ಮೃತಪಟ್ಟಿದ್ದಾರೆ. ಶನಿವಾರ ಸೋಂಕಿತರಲ್ಲಿ 149 ಮಂದಿಗೆ ಸಂಪರ್ಕದಿಂದ ಸೋಂಕು ತಗುಲಿದೆ. ಓರ್ವ ಹೊರರಾಜ್ಯದಿಂದ ಬಂದವನಲ್ಲಿ ಪಾಸಿಟಿವ್ ದೃಢಪಟ್ಟಿದೆ.

  5938 ಮಂದಿ ನಿಗಾದಲ್ಲಿದ್ದು, 1322 ಮಂದಿ ಐಸೋಲೇಷನ್ ವಾರ್ಡ್ ನಲ್ಲಿದ್ದಾರೆ. ಇಂದು ಪತ್ತೆಯಾದ ಸೋಂಕಿತರ ಪೈಕಿ ಕಾಸರಗೋಡು 15, ನೀಲೇಶ್ವರ , ಪಿಲಿಕ್ಕೋಡ್ ತಲಾ 4, ಅಜಾನೂರು , ಚೆಮ್ನಾಡ್ ತಲಾ 14, ಪುಲ್ಲೂರು ಪೆರಿಯ 7, ಮಧೂರು , ಪಳ್ಳಿಕೆರೆ , ಮೊಗ್ರಾಲ್ ಪುತ್ತೂರು, ಮಂಗಲ್ಪಾಡಿ ತಲಾ 6, ಮುಳಿಯಾರು , ಮಂಜೇಶ್ವರ ತಲಾ 2, ಕಾರಡ್ಕ , ವಳಿಯಪರಂಬ , ಚೆರ್ವತ್ತೂರು , ಈಸ್ಟ್ ಎಳೇರಿ , ತ್ರಿಕ್ಕರಿಪುರ , ವೆಸ್ಟ್ ಎಳೇರಿ, ಪೈವಳಿಕೆ ತಲಾ 1, ಚೆಮ್ನಾಡ್ 14, ಚೆಂಗಳ 8, ಎಣ್ಮಕಜೆ, ಕಯ್ಯೂರು ಚಿಮೇನಿ 3, ಉದುಮ, ಬದಿಯಡ್ಕ, ಮಡಿಕೈ ತಲಾ 5, ಕಿನಾನೂರು ಕರಿಂದಲ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ 9 ಮಂದಿಗೆ ಶನಿವಾರ ಸೋಂಕು ದೃಢಪಟ್ಟಿದೆ.