ಎಲಾನ್‌ ಮಸ್ಕ್ ನ ಹೊಸ ಅಧ್ಯಯನ - ಹಂದಿ ಮಿದುಳಿಗೆ ಕಂಪ್ಯೂಟರ್​ ಚಿಪ್ ಜೋಡಣೆ

•   Sun, Aug 30 2020 11:17:50 AM



• ನ್ಯೂಯಾರ್ಕ್‌, ಆ. 30(DaijiworldNews/HR): ಬಾಹ್ಯಾಕಾಶ ಸಂಶೋಧನೆ ಹಾಗೂ ವೈಜ್ಞಾನಿಕ ರಂಗದಲ್ಲಿ ಹೆಸರು ಮಾಡಿರುವ ದೈತ್ಯ ಉದ್ಯಮಿ ಎಲಾನ್‌ ಮಸ್ಕ್ ಇದೀಗ ಮೆದುಳಿನ ಕಾಯಿಲೆಯಿಂದ ಬಳಲುತ್ತಿರುವವರಿಗೆ ಕಂಪ್ಯೂಟರ್‌ ಚಿಪ್‌ ಜೋಡಿಸಿ ಅವರ ಸಮಸ್ಯೆ ನಿವಾರಿಸುವ ಕನಸು ಹೊತ್ತಿರುವ ಮಸ್ಕ್ ಹೊಸ ಪ್ರಯೋಗಕ್ಕೆ ಕೈ ಹಾಕಿದ್ದಾರೆ.

  

  ಈ ಹೊಸ ಪ್ರಯೋಗಕ್ಕಾಗಿ 3 ಹಂದಿಗಳಿಗೆ ಬ್ರೈನ್‌ ಮಶೀನ್‌ ಇಂಟರ್‌ಫೇಸ್‌ ಜೋಡಿಸಿ ಪರೀಕ್ಷಿಸಲಾಗಿದೆ. ಚಿಪ್‌ ಜೋಡಿಸಿಕೊಂಡ ಹಂದಿಗೆ ಒಬ್ಬ ಮನುಷ್ಯ ಆಹಾರವನ್ನು ನೀಡುತ್ತಾನೆ. ಕೂಡಲೇ ಹಂದಿ ಚಿಪ್‌ ಅನ್ನು ತಿನ್ನುವ ಪದಾರ್ಥವೆಂದು ಗ್ರಹಿಸಿ, ಆ ಆಹಾರ ತಿನ್ನಲು ಮುಂದಾಗುತ್ತದೆ. ಬೋನ್‌ನ ಬಾಗಿಲು ತೆರೆದಾಗ, ಹೊರ ಹೋಗಲು ಯತ್ನಿಸುತ್ತದೆ. ಹಂದಿಯ ಮೆದುಳಿನಲ್ಲಿನ ಪ್ರತಿಕ್ರಿಯೆಗಳ ಸಂಕೇತಗಳನ್ನು ಚಿಪ್‌ ನೇರವಾಗಿ ಕಂಪ್ಯೂಟರ್‌ಗೆ ರವಾನಿಸಿದೆ.

  ಎಲಾನ್​ ಮಸ್ಕ್​ ಈ ಹಂದಿಯನ್ನು ಜಗತ್ತಿನೆದುರು ಪ್ರದರ್ಶಿಸಿದ್ದು, ಆ ಹಂದಿಗೆ ಗೆಟ್ರುಡ್​ ಎಂದು ಹೆಸರಿಸಲಾಗಿದೆ. ಕಂಪ್ಯೂಟರ್​ ಚಿಪ್​ ಬಗ್ಗೆ ಮಾಹಿತಿ ನೀಡಿದ ಎಲಾನ್​ ಮಸ್ಕ್​, ಚಿಪ್​ ಅಳವಡಿಸಿದ ಹಂದಿಯ ದೃಶ್ಯಗಳನ್ನು ತೋರಿಸಿದ್ದಾರೆ. ಚಿಕ್ಕ ನಾಣ್ಯದ ಗಾತ್ರದ, ಅತಿ ಚಿಕ್ಕ ವೈರ್​ಗಳನ್ನು ಹೊಂದಿದ್ದ ಚಿಪ್​ಅನ್ನು ಇದಕ್ಕೆ ಎರಡು ತಿಂಗಳ ಕಾಲ ಅಳವಡಿಸಲಾಗಿತ್ತು ಎಂದು ತಿಳಿಸಿದ್ದಾರೆ.

  ನ್ಯೂರಾಲಿಂಕ್​ ಕಂಪನಿಯನ್ನು 2016ರಲ್ಲಿ ಸ್ಥಾಪಿಸಲಾಗಿದ್ದು, ಮಿದುಳಿಗೂ ಯಂತ್ರಕ್ಕೂ ವೈರ್​ಗಳಿಲ್ಲದೇ ಸಂಪರ್ಕ ಕಲ್ಪಿಸುವ ಉದ್ದೇಶ ಹೊಂದಲಾಗಿದೆ. ಈ ಚಿಪ್​ ಅಳವಡಿಸಿಕೊಂಡು ಜನರು ತಮ್ಮ ನೆನಪುಗಳನ್ನು ಕಾಪಾಡಿಕೊಳ್ಳುವುದಲ್ಲದೇ, ಮರುಕಳಿಸಿಕೊಳ್ಳಬಹುದು ಎಂದು ಮಸ್ಕ್​ ಮಾಹಿತಿ ನೀಡಿದ್ದಾರೆ.