13 ಕೊಲೆ, 13 ಅತ್ಯಾಚಾರಗೈದ ಆರೋಪಿಗೆ ಕೊನೆಗೂ ದೊರೆಯಿತು ಶಿಕ್ಷೆ

•   Sat, Aug 22 2020 05:00:07 PM



• ಕ್ಯಾಲಿಫೋರ್ನಿಯಾ, ಆ. 22(DaijiworldNews/HR): ಹತ್ತಾರು ಕೊಲೆ ಮತ್ತು ಅತ್ಯಾಚಾರ ನಡೆಸಿದ್ದ ಮಾಜಿ ಪೊಲೀಸ್​ ಅಧಿಕಾರಿ ಜೋಸೆಫ್​ ಜೇಮ್ಸ್​ ಡಿಆಂಜಿಲೋ ಗೆ ಕೊನೆಗೂ ಶಿಕ್ಷೆಯಾಗಿದೆ.

  

  ಜೋಸೆಫ್​ ತನ್ನ ಕುಕೃತ್ಯಗಳಿಂದ 70 ಹಾಗೂ 80 ದಶಕದಲ್ಲಿ ಇಡೀ ಕ್ಯಾಲಿಫೋರ್ನಿಯಾವನ್ನೇ ನಡುಗಿಸಿದ್ದ. ಸರಣಿ ಅತ್ಯಾಚಾರ ಹಾಗೂ ಕೊಲೆ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಆತ ಎಲ್ಲಿಯೂ ಸಿಕ್ಕಿಬಿದ್ದಿರಲಿಲ್ಲ.

  ಕೊನೆಗೆ ವಂಶಾವಳಿಗಳನ್ನು ನಿರ್ವಹಿಸುವ ಖಾಸಗಿ ವೆಬ್​ಸೈಟ್​​ಗಳ ನೆರವಿನಿಂದ ಈತನನ್ನು ಬಂಧಿಸಿ ವಿಚಾರಣೆ ನಡೆಸಿದಾಗ ಅಪರಾಧಿಕ ಕೃತ್ಯಗಳನ್ನು ಒಪ್ಪಿಕೊಂಡಿದ್ದ.

  ಎರಡು ವರ್ಷಗಳಿಂದ ವಿಚಾರಣೆ ನಡೆಸಿದ ಕೋರ್ಟ್​, ಇದೀಗ ಅಂತಿಮವಾಗಿ ಅಪರಾಧಿಗೆ ಅಜೀವ ಸರೆವಾಸ ವಿಧಿಸಿದೆ.

  ಗೋಲ್ಡನ್​ ಸ್ಟೇಟ್​ ಕಿಲ್ಲರ್​ ಎಂದೇ ಖ್ಯಾತನಾಗಿದ್ದ ಡಿಆಂಜಿಲೋನನ್ನು 2018ರ ಏಪ್ರಿಲ್​ನಲ್ಲಿ ಬಂಧಿಸಲಾಗಿದ್ದು, ಈತ 13 ಅತ್ಯಾಚಾರ ಮತ್ತು ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದ.

  ಆತ ಅಷ್ಟೊಂದು ಕೃತ್ಯಗಳನ್ನು ಎಸಗಿದ್ದರೂ ಆರೋಪಿ ಪತ್ತೆಯಾಗಿರಲಿಲ್ಲ. ಕೊನೆಗೆ ಅಪರಾಧ ಸ್ಥಳದಲ್ಲಿ ಪತ್ತೆಯಾದ ಡಿಎನ್​ಎ ಕುರುಹುಗಳನ್ನು ಖಾಸಗಿ ವಂಶಾವಳಿ ವೆಬ್​ಸೈಟ್​ಗಳ ನೆರವು ಪಡೆದು ಹೋಲಿಕೆ ಮಾಡಿದಾಗ ಅಪರಾಧಿ ಯಾರು ಎಂಬುದು ಗೊತ್ತಾಗಿತ್ತು.

  ಈತನಿಗೆ 74 ವರ್ಷ ವಯಸ್ಸಾಗಿರುವುದರಿಂದ ಮರಣದಂಡನೆ ಶಿಕ್ಷೆಯ ಬದಲು ತೆರೆದ ನ್ಯಾಯಾಲಯದಲ್ಲಿ ಹಾಜರಿದ್ದ ಆತನ ಕುಟುಂಬದವ ಭಾವುಕ ಮನವಿಗೆ ಸ್ಪಂದಿಸಿ, ಪೇರೋಲ್​ ನೀಡಲಾಗದ ಅಜೀವ ಸೆರೆವಾಸ ಶಿಕ್ಷೆಗೆ ಇಳಿಸಿದ್ದಾರೆ.