ಕೋಝಿಕೋಡ್: ರನ್ ವೇಯಿಂದ ಜಾರಿ ಇಬ್ಬಾಗವಾದ ಏರ್ ಇಂಡಿಯಾ ವಿಮಾನ-ಪೈಲಟ್, ಮಗು ಸೇರಿ 16 ಮಂದಿ ಸಾವು

•   Fri, Aug 07 2020 09:21:38 PM



• ಕೋಝಿಕೋಡ್, ಆ. 07 (DaijiworldNews/SM): 184 ಮಂದಿ ಪ್ರಯಾಣಿಕರನ್ನು ಹೊತ್ತುಕೊಂಡು ದುಬೈಯಿಂದ ಆಗಮಿಸಿದ್ದ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನವು ಕೋಝಿಕೋಡ್‌ನಲ್ಲಿ ರನ್‌ವೇಯಿಂದ ಜಾರಿ ಕಮರಿಗೆ ಉರುಳಿರುವ ಘಟನೆ ನಡೆದಿದೆ. ಘಟನೆಯಲ್ಲಿ ಪೈಲಟ್,  3 ವರ್ಷದ ಮಗು ಸೇರಿ 16 ಮಂದಿ ಸಾವನ್ನಪ್ಪಿರುವ ಕುರಿತು ವರದಿಯಾಗಿದೆ. ಮಹಾರಾಷ್ಟ್ರ ಮೂಲದ ದೀಪಕ್ ವಸಂತ್ ಮೃತಪಟ್ಟ ಪೈಲಟ್. 

  

  

  

  ವಂದೇ ಭಾರತ್ ಮಿಷನ್ ನಲ್ಲಿ ದುಬೈಯಿಂದ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಕೋಝಿಕೋಡ್ ಗೆ ಆಗಮಿಸುತ್ತಿತ್ತು. ಸಂಜೆ 7: 41ರ ಸಮಯದಲ್ಲಿ ಲ್ಯಾಂಡ್​ ಆಗಿದ್ದು, ಲ್ಯಾಂಡ್ಂಗ್ ಸಮಯದಲ್ಲಿ ವಿಮಾನ ಪೈಲಟ್ ನ ನಿಯಂತ್ರಣ ಕಳೆದುಕೊಂಡಿದೆ. ಹಾಗೂ ರನ್ ವೇಯಿಂದ ಜಾರಿ ಈ ದುರಂತ ಸಂಭವಿಸಿದೆ ಎಂದು ವರದಿಯಾಗಿದೆ.

  

  

  ಸದ್ಯ ದೊರೆತ ಮಾಹಿತಿ ಪ್ರಕಾರ ವಿಮಾನದ ಪೈಲಟ್ 3 ವರ್ಷದ ಮಗು ಸೇರಿ 16 ಮಂದಿ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಅಲ್ಲದೆ, ಸಹ ಪೈಲಟ್ ಗಂಭೀರ ಗಾಯಗೊಂಡಿರುವ ಬಗ್ಗೆ ವರದಿಯಾಗಿದೆ. ಇನ್ನು ಘಟನೆಯ ತೀವ್ರತೆಗೆ ವಿಮಾನ ಇಬ್ಬಾಗವಾಗಿದ್ದು, ಮತ್ತೊಂದೆಡೆ ಸುರಿಯುತ್ತಿರುವ ಭಾರೀ ಮಳೆ ಕಾರ್ಯಾಚರಣೆಗೆ ಅಡ್ಡಿಯಾಗಿದೆ.

  ಸ್ಥಳದಲ್ಲಿ 24 ಆ್ಯಂಬುಲೆನ್ಸ್​ಗಳು ಹಾಗೂ ಅಗ್ನಿ ಶಾಮಕ ವಾಹನಗಳು ರಕ್ಷಣಾ ಕಾರ್ಯಾಚರಣೆಗೆ ಮುಂದಾಗಿವೆ.