ಅಮೆರಿಕದ ಕಂಪೆನಿಗಿಂತ ಕಡಿಮೆ ಬೆಲೆಗೆ ಕೊರೊನಾ ಲಸಿಕೆ ನೀಡಲಿರುವ ಭಾರತೀಯ ಸಂಸ್ಥೆ

•   Fri, Aug 07 2020 05:55:02 PM



• ನವದೆಹಲಿ, ಆ 07 (DaijiworldNews/PY): ಸಿರಂ ಇನ್‌‌‌ಸ್ಟಿಟ್ಯೂಟ್‌‌‌ ಆಫ್‌‌ ಇಂಡಿಯಾವು ಕೊರೊನಾ ಲಸಿಕೆಯ ಬೆಲೆಯನ್ನು ಹತ್ತು ಪಟ್ಟಿಗಿಂತಲೂ ಕಡಿಮೆ ಬೆಲೆಗೆ ಉತ್ಪಾದಿಸಿ ನೀಡಲಿದ್ದು, ಈ ಲಸಿಕೆಯನ್ನು ಅಮೆರಿಕದ ಮಾಡೆರ್ನಾ ಕಂಪೆನಿಯು ದುಬಾರಿ ಬೆಲೆಗೆ ನಿಗದಿಪಡಿಸಿದೆ.

  

  ಬಿಲ್​ ಆ್ಯಂಡ್​ ಮೆಲಿಂಡಾ ಗೇಟ್​ ಪ್ರತಿಷ್ಠಾನದಿಂದ ಪುಣೆಯ ಸಿರಂ ಇನ್‌ಸ್ಟಿಟ್ಯೂಟ್‌‌ ಆಫ್‌ ಇಂಡಿಯಾಗೆ ಹಣಕಾಸಿ ನೆರವು ದೊರೆಯುತ್ತಿರುವುದರಿಂದ ಭಾರತ ಹಾಗೂ ಆರ್ಥಿಕವಾಗಿ ಹಿಂದುಳಿದ ನೂರು ದೇಶಗಳಿಗೆ ಪ್ರತಿ ಡೋಸ್‌‌ಗೆ 225 ರೂ.ದರದಲ್ಲಿ ಕೊರೊನಾ ಲಸಿಕೆಯನ್ನು ಪೂರೈಕೆ ಮಾಡಲಿದೆ.

  ಈ ಕೊರೊನಾ ಲಸಿಕೆಗೆ ಅಮೆರಿಕಾದ ಮಾಡೆರ್ನಾ ಕಂಪೆನಿಯು 2,400 ರೂ.ಗಳಿಂದ 2,800 ರೂ.ವರೆಗೆ ನಿಗದಿ ಪಡಿಸಿದೆ.

  ಭಾರತದಲ್ಲಿ ಸಿರಂ ಇನ್‌ಸ್ಟಿಟ್ಯೂಟ್‌‌‌‌‌ ಲಸಿಕೆಗೆ 1,000 ರೂ.ಗಳು ಇರಬಹುದು ಎಂದು ಅಂದಾಜಿಸಲಾಗಿದ್ದು, ಈ ಬೆಲೆಯನ್ನು ಗೇಟ್ಸ್‌‌‌ ಪ್ರತಿಷ್ಠಾನದ ನೆರವು ಭಾರಿ ಪ್ರಮಾಣದಲ್ಲಿ ಕಡಿಮೆ ಮಾಡಿದಂತಾಗಿದೆ.

  ಕೆಲವು ಸಂಸ್ಥೆಗಳು ಆಯಾ ದೇಶಗಳ ಆರ್ಥಿಕ ಸಹಕಾರದ ಅಡಿಯಲ್ಲಿ ಸಂಶೋಧನೆ ನಡೆಸುತ್ತಿದ್ದು, ಈ ಕಾರಣದಿಂದ ಲಸಿಕೆಯನ್ನು ಅಂತಹ ದೇಶಗಳಿಗೆ ಕಡಿಮೆ ಬೆಲೆಯಲ್ಲಿ ನೀಡುತ್ತಿದ್ದರೆ, ಉಳಿದಂತೆ ದೇಶಗಳು ಈ ಲಸಿಕೆಯನ್ನು ಅಧಿಕ ಬೆಲೆಗೆ ಕೊಡಬೇಕಾಗುತ್ತದೆ.