ಟಿಟಿಪಿ ಉಗ್ರ ಸಂಘಟನೆಯ ಮುಖಂಡ ನೂರ್ ವಾಲಿ ಮೆಹ್ಸೂದ್ ಕಪ್ಪುಪಟ್ಟಿಗೆ - ವಿಶ್ವಸಂಸ್ಥೆ

•   Fri, Jul 17 2020 10:34:32 AM



• ವಿಶ್ವಸಂಸ್ಥೆ, ಜು 17 (Daijiworld News/MSP): ಪಾಕಿಸ್ತಾನದ "ತೆಹ್ರಿಕ್​ ಏ ತಾಲೀಬಾನ್ ಪಾಕಿಸ್ತಾನ್​(ಟಿಟಿಪಿ) " ಉಗ್ರ ಸಂಘಟನೆಯ ಮುಖಂಡ ನೂರ್ ವಾಲಿ ಮೆಹ್ಸೂದ್ ​ ನನ್ನು ವಿಶ್ವಸಂಸ್ಥೆ ಕಪ್ಪುಪಟ್ಟಿಗೆ ಸೇರಿಸಿ ಆತನನ್ನು "ಜಾಗತಿಕ ಉಗ್ರ " ಎಂದು ಘೋಷಿಸಿದೆ.

  

  ಮಾತ್ರವಲ್ಲದೆ ಪಾಕಿಸ್ತಾನಿ ಪ್ರಜೆಯಾದ ಮೆಹ್ಸೂದ್ ​ಗೆ ಪ್ರಯಾಣ ನಿರ್ಬಂಧ, ಆಸ್ತಿ ಮುಟ್ಟುಗೋಲು ಮತ್ತು ಶಸ್ತ್ರಾಸ್ತ್ರ ನಿರ್ಬಂಧಕ್ಕೆ ಕ್ರಮ ತೆಗೆದುಕೊಳ್ಳಲು ವಿಶ್ವಸಂಸ್ಥೆಯ ಭದ್ರತಾ ಸಮಿತಿ ಸೂಚಿಸಿದೆ. ಮೆಹಸೂದ್ ನಾಯಕತ್ವದಲ್ಲಿ ಪಾಕಿಸ್ತಾನದ ಉದ್ದಗಲಕ್ಕೂ ಅನೇಕ ಉಗ್ರಕೃತ್ಯಗಳು ನಡೆದಿವೆ.

  ನೂರ್ ವಾಲಿ ಮೆಹ್ಸೂದ್ ನಿಷೇಧಿತ ಉಗ್ರ ಸಂಘಟನೆ ಅಲ್​ಕೈದಾ ಜತೆಗೆ್ ನಿಕಟ ಸಂಪರ್ಕ ಹೊಂದಿದ್ದ ಅದರ ಪರವಾಗಿ ಕೆಲಸ ಮಾಡುತ್ತಿದ್ದ. ಮಾತ್ರವಲ್ಲದೆ ಭಯೋತ್ಪಾದಕ ಚಟುವಟಿಕೆಗೆ ಫಂಡಿಂಗ್ , ಟೆರರ್ ಪ್ಲಾನಿಂಗ್, ಅವುಗಳನ್ನು ಕಾರ್ಯರೂಪಕ್ಕೆ ತರುವುದು ಮತ್ತು ಅಂತಹ ಕೃತ್ಯಗಳಿಗೆ ಪ್ರಚೋದನೆ ನೀಡುವುದು ಮಾಡುತ್ತಿದ್ದ. ಈ ಹಿನ್ನಲೆಯಲ್ಲಿ ವಿಶ್ವಸಂಸ್ಥೆಯ ಭದ್ರತಾ ಸಮಿತಿಯ 1267 ಐಎಸ್​ಐಎಲ್​ ಮತ್ತು ಅಲ್​ಕೈದಾ ನಿರ್ಬಂಧ ಕಮಿಟಿ ಮೆಹಸೂದ್​(42) ಹೆಸರನ್ನು ಐಎಸ್​ಐಎಲ್​(ಡಾಯಿಷ್​) ಮತ್ತು ಅಲ್​ಕೈದಾ ನಿರ್ಬಂಧಪಟ್ಟಿಗೆ ಗುರುವಾರ ಸೇರಿಸಿದೆ.