'ಕೊರೊನಾದ ಎದುರು ಶರಣಾದ ಪ್ರಧಾನಿ ಮೋದಿ' - ರಾಹುಲ್‌ ಟೀಕೆ

•   Sat, Jun 27 2020 01:07:33 PM



• ನವದೆಹಲಿ, ಜೂ. 27 (DaijiworldNews/MB) : ''ಕೊರೊನಾದ ಎದುರು ಪ್ರಧಾನಿ ನರೇಂದ್ರ ಮೋದಿ ಶರಣಾಗಿದ್ದಾರೆ ಹಾಗೆಯೇ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ನಿರಾಕರಿಸುತ್ತಿದ್ದಾರೆ'' ಎಂದು ಕಾಂಗ್ರೆಸ್‌ ಮುಖಂಡ ರಾಹುಲ್‌ ಗಾಂಧಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಟೀಕೆ ಮಾಡಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ''ಕೊರೊನಾ ದೇಶದ ಹೊಸ ಭಾಗಗಳಲ್ಲಿ ವೇಗವಾಗಿ ಹರಡುತ್ತಿದೆ. ಕೊರೊನಾವನ್ನು ಸೋಲಿಸಲು ಭಾರತ ಸರ್ಕಾರವು ಯೋಜನೆಯನ್ನು ಹೊಂದಿಲ್ಲ. ಪ್ರಧಾನಿ ಮೌನವಾಗಿದ್ದಾರೆ. ಕೊರೊನಾಗೆ ಶರಣಾಗಿದ್ದಾರೆ. ಹಾಗೆಯೇ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ನಿರಾಕರಿಸುತ್ತಿದ್ದಾರೆ'' ಎಂದು ವಾಗ್ದಾಳಿ ನಡೆಸಿದ್ದಾರೆ.

  ಹಾಗೆಯೇ ಈ ಟ್ವೀಟ್‌ನೊಂದಿಗೆ ಐಸಿಎಂಆರ್‌ನ ಮಂಡಳಿಯಾಲಿ, ಸಚಿವರಾಗಲಿ ಈವರೆಗೆ ಸಭೆ ನಡೆಸಲಿಲ್ಲ. ಆರೋಗ್ಯ ಸಚಿವರೂ ಪಿಡುಗಿನ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿಲ್ಲ ಎಂಬ ವರದಿಯೊಂದನ್ನು ಟ್ಯಾಗ್‌ ಮಾಡಿದ್ದಾರೆ.

  Covid19 is spreading rapidly into new parts of the country. GOI has no plan to defeat it.
  
  PM is silent. He has surrendered and is refusing to fight the pandemic.https://t.co/LUn2eYBQTg

  — Rahul Gandhi (@RahulGandhi) June 27, 2020