ಗಲ್ವಾನ್‌‌ ಸಂಘರ್ಷ - ಸೇನೆ ಹಿಂಪಡೆಯಲು ಭಾರತ-ಚೀನಾ ಒಮ್ಮತದ ತೀರ್ಮಾನ

•   Tue, Jun 23 2020 04:26:04 PM



• ನವದೆಹಲಿ, ಜೂ 23(DaijiworldNews/PY) : ಲಡಾಖ್​ನ ಪೂರ್ವ ಭಾಗದ ನಾಲ್ಕು ಪ್ರದೇಶಗಳಲ್ಲಿ ನಿಯೋಜಿಸಿರುವ ಚೀನಾ ಹಾಗೂ ಭಾರತದ ಸೈನಿಕರು ಕೂಡಲೇ ಬಿಕ್ಕಟ್ಟಿನ ಪ್ರದೇಶವನ್ನು ಬಿಟ್ಟು ಹಿಂದಕ್ಕೆ ಸರಿಯುವ ಕುರಿತು ಮಹತ್ವದ ಒಮ್ಮತಕ್ಕೆ ತೀರ್ಮಾನಿಸಿದ್ಧಾರೆ.

  
  ಸಾಂದರ್ಭಿಕ ಚಿತ್ರ

  ಈ ಬಗ್ಗೆ ಒಂದು ವಾರದಿಂದ ನಡೆಯುತ್ತಿರುವ ಸೇನಾ ಮುಖ್ಯಸ್ಥರ ಸಭೆಯಲ್ಲಿ ಇಂದು ಈ ಮಹತ್ವದ ತೀರ್ಮಾನ ತೆಗೆದುಕೊಳ್ಳಲಾಗಿದ್ದು, ಎರಡು ದೇಶಗಳ ಸೇನಾ ಮುಖ್ಯಸ್ಥರು ಸೇನೆಯನ್ನು ಹಿಂದಕ್ಕೆ ಪಡೆಯಬೇಕು ಎನ್ನುವ ಬಗ್ಗೆ ಒಮ್ಮತದ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

  ಈ ವಿಚಾರವಾಗಿ ಭಾನುವಾರ ನಡೆದ ಭಾರತ ಹಾಗೂ ಚೀನಾ ಕೋರ್‌ ಕಮಾಂಡರ್‌‌ ಮಟ್ಟದ ಸಭೆಯಲ್ಲಿ ಈ ಒಮ್ಮತದ ಅಭಿಪ್ರಾಯ ವ್ಯಕ್ತಪಡಿಸಿರುವುದಾಗಿ ಸೇನಾಪಡೆಯ ಮೂಲಗಳು ತಿಳಿಸಿವೆ. ಲಡಾಖ್​ನ ಪೂರ್ವ ಭಾಗದ ನಾಲ್ಕು ಪ್ರದೇಶಗಳಲ್ಲಿನಿಯೋಜನೆ ಮಾಡಿರುವ ಸೇನಾಪಡೆಯನ್ನು ಹಿ೦ಪಡೆಯಬೇಕು ಎನ್ನುವ ಬಗ್ಗೆ ಚರ್ಚಿಸಲಾಗಿದ್ದು, ಈ ವಿಷಯದ ಬಗ್ಗೆ ಚರ್ಚೆ ನಡೆಯಲಿವೆ ಎಂದು ಮೂಲಗಳು ತಿಳಿಸಿವೆ.

  ದಕ್ಷಿಣ ಕ್ಸಿನ್‌‌‌ ಜಿಯಾಂಗ್‌ ಪ್ರದೇಶದ ಚೀನಾದ ಪಿಎಲ್‌‌ಐ ಕಮಾಂಡರ್‌‌ ಮೇಜರ್‌ ಜನರಲ್‌‌‌ ಲಿನ್‌‌ ಲಿಯು ಹಾಗೂ ಭಾರತೀಯ ಸೈನ್ಯದ 14 ಕಾಪೋರೇಷನ್‌‌‌‌‌‌ ಕಮಾಂಡರ್‌‌‌‌‌‌ ಲೆಫ್ಟಿನೆಂಟ್‌‌‌‌ ಜನರಲ್‌‌‌ ಹರಿಂದರ್‌‌‌ ಸಿಂಗ್‌‌‌‌‌‌‌‌‌‌‌ ನಡುವಿನ ಸಭೆ ಮೊಲ್ಡೊದಲ್ಲಿ ನಡೆದಿತ್ತು. ಈ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆದುಕೊಳ್ಳುವುದರೊಂದಿಗೆ ವಾಸ್ತವ ಪರಿಸ್ಥತಿ ಅರಿತುಕೊಳ್ಳಲು ಈಗಾಗಲೇ ಸೇನಾಪಡೆಯ ಮುಖ್ಯಸ್ಥ ಜನರಲ್‌‌ ಎಂ.ಎಂ.ನರವಾಣೆ ಅವರು ಲಡಾಖ್‌ಗೆ ತೆರಳಿದ್ದಾರೆ.