ನವದೆಹಲಿ: ಪಂದ್ಯದ ಗತಿ ಬದಳಾಯಿಸುವ ಶಕ್ತಿ ಅನಿಲ್ ಕುಂಬ್ಳೆ ಹೊಂದಿದ್ದರು-ಹರ್ಭಜನ್ ಸಿಂಗ್

•   Sun, Jun 21 2020 09:41:27 PM



• ನವದೆಹಲಿ, ಜೂ. 21 (DaijiworldNews/SM): ಟೀಂ ಇಂಡಿಯಾ ಮಾಜಿ ನಾಯಕ ಅನಿಲ್ ಕುಂಬ್ಳೆ ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲೇ ಶ್ರೇಷ್ಠ ಮ್ಯಾಚ್ ವಿನ್ನರ್ ಎಂದು ಹಿರಿಯ ಆಟಗಾರ ಆಫ್‌ ಸ್ಪಿನ್ನರ್‌ ಹರ್ಭಜನ್‌ ಸಿಂಗ್‌ ಹೇಳಿದ್ದಾರೆ.

  

  ಖಾಸಗಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ, ಭಾರತೀಯ ಕ್ರಿಕೆಟ್ ತಂಡದಲ್ಲಿ ಬಹುಪಾಲು ಅವಕಾಶ ವಂಚಿತರಾಗಿದ್ದ ಆಫ್‌ಸ್ಪಿನ್ನರ್‌ ಹರ್ಭಜನ್‌ ಸಿಂಗ್‌, ತಮ್ಮ ವೃತ್ತಿ ಬದುಕಿನ ಬಹುಪಾಲು ದಿನಗಳನ್ನು ಅನಿಲ್‌ ಕುಂಬ್ಳೆ ಜೊತೆಗೆ ಕಳೆದಿದ್ದರು. ಈ ಇಬ್ಬರು ಉತ್ತಮ ಸ್ಪಿನ್‌ ಜೋಡಿಯಾಗಿತ್ತು.

  ಭಾರತದ ಪರ ಅತಿ ಹೆಚ್ಚು ಟೆಸ್ಟ್‌ ವಿಕೆಟ್‌ ಕಿತ್ತವರು ಅನಿಲ್ ಕುಂಬ್ಳೆ. ಅವರು ತಮ್ಮ ವೃತ್ತಿ ಬದುಕಿನಲ್ಲಿ 619 ವಿಕೆಟ್ ಕಿತ್ತಿದ್ದಾರೆ. ಉತ್ತಮ ಪ್ರದರ್ಶನ ನೀಡುತ್ತಿದ್ದ ಕುಂಬ್ಳೆ, 2007ರಲ್ಲಿ ಟೀಮ್‌ ಇಂಡಿಯಾ ನಾಯಕತ್ವ ಪಡೆದುಕೊಂಡಿದ್ದರು. ಬಳಿಕ ತಮ್ಮ ನಿವೃತ್ತಿಯವರೆಗೂ ನಾಯಕತ್ವ ನಿಭಾಯಿಸಿದ್ದರು. ಅವರ ಅವಧಿಯನ್ನು ಉತ್ತಮವಾಗಿಯೇ ನಿರ್ವಹಿಸಿದ್ದರು.

  ಈ ಹಿನ್ನೆಲೆಯಲ್ಲಿ ಅವರೊಂದಿಗೆ ಮೈದಾನದಲ್ಲಿದ್ದ ಹರ್ಭಜನ್ ಸಿಂಗ್ ಹೆಚ್ಚಿನ ವಿಚಾರಗಳನ್ನು ತಿಳಿದುಕೊಂಡಿದ್ದಾರೆ. ಭಾರತೀಯ ಕ್ರಿಕೆಟ್‌ ತಂಡದ ಪರ ಆಡಿದ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಾಗಿದ್ದಾರೆ. ಭಾರತೀಯ ಕ್ರಿಕೆಟ್ ಇತಿಹಾಸದ ಶ್ರೇಷ್ಠ ಮ್ಯಾಚ್‌ ವಿನ್ನರ್‌ ಕೂಡ ಅನಿಲ್ ಕುಂಬ್ಳೆಯಾಗಿದ್ದಾರೆ.