ಭಾರತ-ಚೀನಾ ಗಡಿ ಸಂಘರ್ಷ - ರಾಮ ಮಂದಿರ ನಿರ್ಮಾಣ ಕಾರ್ಯ ಮುಂದಕ್ಕೆ

•   Fri, Jun 19 2020 01:34:45 PM



• ಉತ್ತರಪ್ರದೇಶ, ಜೂ 19 (DaijiworldNews/PY) : ಭಾರತ-ಚೀನಾ ಗಡಿ ಸಂಘರ್ಷದ ಹಿನ್ನೆಲೆ ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣ ಪ್ರಾರಂಭಿಸುವ ಯೋಜನೆಯನ್ನು ಸದ್ಯಕ್ಕೆ ಕೈಬಿಡಲಾಗಿದೆ. ನಮಗೆ ಮೊದಲು ದೇಶ ಮುಖ್ಯ ಎಂದು ಟ್ರಸ್ಟ್‌‌ನ ಪ್ರಕಟಣೆ ತಿಳಿಸಿದೆ.

  

  ಗಾಲ್ವಾನ್‌‌ ಕಣಿವೆಯಲ್ಲಿ ಭಾರತದ ಯೋಧರು ಹುತಾತ್ಮರಾದ ಬಗ್ಗೆ ಟ್ರಸ್ಟ್‌‌ ಶೋಕ ವ್ಯಕ್ತಪಡಿಸಿದ್ದು, ದೇಶದಲ್ಲಿನ ಪರಿಸ್ಥಿತಿಯನ್ನು ಗಮನಿಸಿ ಮುಂದಿನ ದಿನಾಂಕವನ್ನು ಪ್ರಕಟಿಸಲಾಗುವುದು ಎಂದು ಟ್ರಸ್ಟ್‌‌‌ನ ಸದಸ್ಯ ಅನಿಲ್‌ ಮಿಶ್ರಾ ಅವರು ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.

  ಕಳೆದ ವರ್ಷ ಸುಪ್ರೀಂ ಕೋರ್ಟ್‌‌ನ ಐತಿಹಾಸಿಕ ತೀರ್ಪಿನ ನಂತರ ಟ್ರಸ್ಟ್‌‌‌‌‌‌‌‌‌‌‌‌‌ ರಾಮ ಮಂದಿರದ ನಿರ್ಮಾಣದ ಹೊಣೆಗಾರಿಕೆಯನ್ನು ವಹಿಸಿಕೊಂಡಿದೆ.

  ಈ ನಡುವೆ ವಿವಿಧ ಸಂಘಟನೆಗಳು ಕೂಡಾ ಚೀನಾ ವಿರುದ್ದ ಪ್ರತಿಭಟನೆ ನಡೆಸಿದ್ದು, ಚೀನಾ ಧ್ವಜವನ್ನು ಹಿಂದೂ ಮಹಾಸಭಾದ ಕಾರ್ಯಕರ್ತರು ದಹಿಸಿದ್ದು, ಚೀನಾ ಅಧ್ಯಕ್ಷ ಷಿ ಜಿನ್‌‌ಪಿಂಗ್‌ ಪ್ರತಿಕೃತಿಯನ್ನು ಹಾಗೂ ಚೀನಾ ಉತ್ಪನ್ನಗಳನ್ನು ಹಿಂದೂ ಪರಿಷತ್‌ ನಾಶಪಡಿಸಿದೆ.