ಪೆಟ್ರೋಲ್‌, ಡಿಸೇಲ್‌ ದರ ಏರಿಕೆ - ಪ್ರತೀ ಲೀಟರ್‌ಗೆ 60 ಪೈಸೆ ಹೆಚ್ಚಳ

•   Sun, Jun 07 2020 02:49:46 PM



• ನವದೆಹಲಿ, ಜೂ 07 (DaijiworldNews/PY) : ಮಾರ್ಚ್‌ 24ರಂದು ದೇಶಾದ್ಯಂತ ಲಾಕ್‌‌ಡೌನ್‌‌ ಜಾರಿಯಾದ ನಂತರ ಇದೇ ಮೊದಲ ಬಾರಿಗೆ ಪೆಟ್ರೋಲ್‌‌ ಹಾಗೂ ಡೀಸೆಲ್‌‌‌ ಚಿಲ್ಲರೆ ಮಾರಾಟ ದರ ಏರಿಕೆಯಾಗಿದ್ದು, ಪ್ರತಿ ಲೀಟರ್‌ಗೆ 60 ಪೈಸೆ ಹೆಚ್ಚಳ ಮಾಡಲಾಗಿದೆ.

  

  ದೆಹಲಿಯಲ್ಲಿ ಪೆಟ್ರೋಲ್‌ ಹಾಗೂ ಡೀಸೆಲ್‌‌ ದರ ಕ್ರಮವಾಗಿ ಪ್ರತಿ ಲೀಟರ್‌ಗೆ 71.86 ರೂ ಹಾಗೂ 69.99 ರೂ ಆಗಿದ್ದು, ಬೆಂಗಳೂರಿನಲ್ಲಿ ಪೆಟ್ರೋಲ್‌‌‌‌ ದರ ಪ್ರತಿ ಲೀಟರ್‌‌ಗೆ 78.18 ರೂ ಹಾಗೂ ಡೀಸೆಲ್ ದರ ಪ್ರತಿ ಲೀಟರ್‌ಗೆ 69.99 ರೂ ಆಗಿದೆ. ಇನ್ನು ಮುಂಬೈನಲ್ಲಿ ಪೆಟ್ರೋಲ್‌‌ ದರ ಪ್ರತೀ ಲೀಟರ್‌ಗೆ 78.91 ರೂ ಆಗಿದೆ.

  ಕಳೆದ ತಿಂಗಳು ಕೇಂದ್ರ ಸರ್ಕಾರವು ಪೆಟ್ರೋಲ್‌‌ ಹಾಗೂ ಡೀಸೆಲ್‌‌ ಮೇಲಿನ ಅಬಕಾರಿ ಸುಂಕವನ್ನು ಕ್ರಮವಾಗಿ 10 ರೂ. ಗೆ ಹಾಗೂ 13ರೂ ನಷ್ಟು ಹೆಚ್ಚಿಸಿತ್ತು. ಲಾಕ್‌‌ಡೌನ್‌ ಸಂದರ್ಭದಲ್ಲಿ ಇಂಧನದ ದರವನ್ನು ಅನೇಕ ರಾಜ್ಯಗಳು ಹೆಚ್ಚಿಸಿದ್ದರೂ, ದೇಶಾದ್ಯಂತ ಏರಿಕೆಯಾಗಿರುವುದು ಇದುವೇ ಮೊದಲ ಬಾರಿಯಾಗಿದೆ.