ಉಡುಪಿ: ಉದ್ಯಾವರ ಸೇತುವೆಗೆ ಢಿಕ್ಕಿ ಹೊಡೆದ ಬಸ್ - ಹಲವರು ಗಂಭೀರ

•   Fri, May 29 2020 02:28:07 PM



• ಉಡುಪಿ, ಮೇ 29 (Daijiworld News/MSP): ಮಂಗಳೂರಿನಿಂದ ಹುಬ್ಬಳ್ಳಿಗೆ ಸಂಚರಿಸುತಿದ್ದ ಕೆಎಸ್ ಆರ್ ಟಿಸಿ‌ ಬಸ್‌ ಒಂದು ಉದ್ಯಾವರ‌ ಸೇತುವೆ ಯಲ್ಲಿ ಅಪಘಾತಕ್ಕೀಡಾದ‌ ಘಟನೆ ಮೇ 29 ರ ಶುಕ್ರವಾರ ಬೆಳಿಗ್ಗೆ‌ ನಡೆದಿದೆ.

  

  

  

  

  ಬಸ್ಸು ಮಂಗಳೂರಿನಿಂದ ಹೊರಟು ಉದ್ಯಾವರ ಸೇತುವೆ ಬಳಿ ತಲುಪುವಾಗ ಚಾಲಕನ ನಿಯಂತ್ರಣ ತಪ್ಪಿ ಸೇತುವೆಯ ಸುರಕ್ಷಾ ಕಂಬಕ್ಕೆ ‌ಡಿಕ್ಕಿ ಹೊಡೆದಿದೆ. ಬಸ್ಸಿನಲ್ಲಿ ಹಲವಾರು ಮಂದಿ ಪ್ರಯಾಣಿಕರಿದ್ದು ಹಲವರಿಗೆ ಗಂಭೀರ ಗಾಯಗಳಾಗಿವೆ. ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಬಸ್ಸಿನ ಚಾಲಕನ ಬದಿ ಸಂಪೂರ್ಣ ನಜ್ಜುಗುಜ್ಜಾಗಿದೆ.

  ಘಟನೆಯಿಂದಾಗಿ ಸ್ಥಳದಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿದ್ದು ಸಂಚಾರ ನಿಯಂತ್ರಿಸಲು ಪೋಲಿಸರು ಹರಸಾಹಸ ಪಟ್ಟರು