ವಂದೇ ಭಾರತ್‌‌ ಮಿಷನ್‌ - ಜೂನ್ 13 ರವರೆಗೆ 1 ಲಕ್ಷ ಭಾರತೀಯರನ್ನು ಕರೆತರಲಾಗುವುದು - ವಿದೇಶಾಂಗ ಸಚಿವಾಲಯ

•   Fri, May 29 2020 08:08:25 AM



• ನವದೆಹಲಿ, ಮೇ 29 (DaijiworldNews/PY) : ವಂದೇ ಭಾರತ್‌‌‌ ಮಿಷನ್‌ ಅಡಿಯಲ್ಲಿ ಇಲ್ಲಿಯವರೆಗೆ ಸುಮಾರು 45,000ಕ್ಕೂ ಹೆಚ್ಚು ಭಾರತೀಯರು ವಿದೇಶದಿಂದ ಮರಳಿದ್ದು, 1,00,000 ಜನರನ್ನು ಜೂನ್ 13 ರವರೆಗೆ ಭಾರತಕ್ಕೆ ಕರೆತರಲಾಗುವುದು ಎಂದು ವಿದೇಶಾಂಗ ಸಚಿವಾಲಯ ಗುರುವಾರ ತಿಳಿಸಿದೆ.

  
  ಸಾಂದರ್ಭಿಕ ಚಿತ್ರ

  ಆನ್‌ಲೈನ್ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ವಿದೇಶಾಂಗ ಸಚಿವಾಲಯದ ವಕ್ತಾರ ಅನುರಾಗ್ ಶ್ರೀವಾಸ್ತವ ಅವರು, ಈ ಕಾರ್ಯವನ್ನು ಭಾರತಕ್ಕೆ ಹಾರಾಟ ನಡೆಸುತ್ತಿರುವ ವಿದೇಶಿ ವಿಮಾನಗಳ ಸಹಾಯ ಪಡೆದುಕೊಳ್ಳುವ ಮೂಲಕ ಮಾಡಲಾಗುತ್ತಿದೆ. ಆಫ್ರಿಕಾ, ‌, ಲ್ಯಾಟಿನ್‌‌‌‌‌‌‌‌‌‌‌ ಅಮೆರಿಕ, ಕೆರಿಬಿಯನ್‌‌ ಹಾಗೂ ಯುರೋಪಿನ ಕೆಲವು ಭಾಗಗಳಲ್ಲಿ ಉಳಿದುಕೊಂಡಿರುವ ಭಾರತೀಯರನ್ನು ಕರೆತರುವುದಕ್ಕೆ ಕೇಂದ್ರ ಸರ್ಕಾರ ಮುಂದಾಗಿದೆ ಎಂದು ಹೇಳಿದ್ದಾರೆ.

  ಗುರುವಾರ ಮಧ್ಯಾಹ್ನದವರೆಗೆ ಒಟ್ಟು ಸುಮಾರು 45,216 ಭಾರತೀಯರನ್ನು ಕರೆತರಲಾಯಿತು. ಈ ಪೈಕಿ 8,069 ವಲಸೆ ಕಾರ್ಮಿಕರು, 7,656 ವಿದ್ಯಾರ್ಥಿಗಳು ಹಾಗೂ 5,107 ವೃತ್ತಿಪರರು ಇದ್ದಾರೆ. ನೇಪಾಳ ಹಾಗೂ ಬಾಂಗ್ಲಾದೇಶದಿಂದ ಸುಮಾರು 5,000 ಭಾರತೀಯರು ಭೂ ಗಡಿಯ ಮೂಲಕ ಮರಳಿರುವುದಾಗಿ ಎಂದು ಅನುರಾಗ್‌‌‌ ತಿಳಿಸಿದ್ದಾರೆ.

  ವಂದೇ ಭಾರತ್‌ ಮಿಷನ್‌‌‌ ಕಾರ್ಯಾಚರಣೆಯ ಮೊದಲ ಹಂತವನ್ನು ಮೇ 7ರಂದು ಪ್ರಾರಂಭಿಸಲಾಯಿತು.