ಮಂಗಳೂರು: ಮೂಳೂರಿನ ಬರ್ಕೆ ಪ್ರದೇಶ ಸೀಲ್ ಡೌನ್-ದ.ಕ. ಜಿಲ್ಲಾಧಿಕಾರಿ

•   Thu, May 28 2020 08:48:20 PM



• ಮಂಗಳೂರು, ಮೇ 28 (DaijiworldNews/SM): ಮಂಗಳೂರಿನ ಮೂಳೂರು ಗ್ರಾಮದ ಬರ್ಕೆ ಪ್ರದೇಶದಲ್ಲಿ ಕೊರೊನಾ ಪಾಸಿಟಿವ್ ಕೇಸ್ ದಾಖಲಾದ ಹಿನ್ನೆಲೆಯಲ್ಲಿ ಮೂಳೂರು ಗ್ರಾಮದ ಬರ್ಕೆ ಪ್ರದೇಶವನ್ನು ಸೀಲ್ ಡೌನ್ ಮಾಡಲಾಗಿದೆ.

  

  ಈ ಬಗ್ಗೆ ದ.ಕ. ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್ ಸ್ಪಷ್ಟ ಆದೇಶ ಹೊರಡಿಸಿದ್ದಾರೆ. ಇನ್ನು ಈ ಪ್ರದೇಶದಲ್ಲಿರುವ ಖಾಲಿ ಜಮೀನು ಸೀಲ್ ಡೌನ್ ಪ್ರದೇಶದೊಳಗೆ ಒಳಪಡಲಿದೆ.

  ಇನ್ನು ಬಫರ್ ಝೋನ್ ಪ್ರದೇಶದಲ್ಲಿ ಪೂರ್ವದಿಂದ ಗುರುಪುರ ನದಿ, ಪಶ್ಚಿಮದಲ್ಲಿ ಕಂದಾವರ ಗ್ರಾಮ, ಉತ್ತರದಲ್ಲಿ ಅಡ್ಡೂರು ಗ್ರಾಮ ಹಾಗೂ ದಕ್ಷಿಣದಲ್ಲಿ ತೆಂಕುಲಿಪಾಡಿ ಗ್ರಾಮ ಒಳಪಡಲಿದೆ. ಇನ್ನು ಈ ಭಾಗದಲ್ಲಿ ೧೮೦೮ ಮನೆಗಳಿವೆ. 467 ಅಂಗಡಿಗಳು ಹಾಗೂ ಕಚೇರಿಗಳಿವೆ. 5445 ಮಂದಿ ಜನ ವಾಸವಾಗಿದ್ದಾರೆ ಎಂದು ದ.ಕ. ಜಿಲ್ಲಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.