ರಾಜ್ಯದಲ್ಲಿ 105 ಪ್ರಕರಣ ದೃಢ - ಸೋಂಕಿತರ ಸಂಖ್ಯೆ 1710ಕ್ಕೆ ಏರಿಕೆ

•   Fri, May 22 2020 01:44:56 PM



• ಬೆಂಗಳೂರು ಮೇ 22 (Daijiworld News/MSP): ರಾಜ್ಯದಲ್ಲಿ ಇಂದು ಮತ್ತೆ 105 ಹೊಸ ಸೋಂಕು ಪ್ರಕರಣಗಳು ಪತ್ತೆಯಾಗಿದ್ದು, ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1710 ಕ್ಕೇರಿದೆ. ಇದರಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲೆಯೊಂದರಲ್ಲೇ 45 ಕೋವಿಡ್-19 ಸೋಂಕು ಪ್ರಕರಣ ದೃಢವಾಗಿದೆ.

  

  ಉಳಿದಂತೆ ಹಾಸನದಲ್ಲಿ 14 ಸೋಂಕು ಪ್ರಕರಣ ದೃಢವಾಗಿದೆ. ತುಮಕೂರಿನಲ್ಲಿ ಎಂಟು, ಬೀದರ್ ನಲ್ಲಿ ಆರು, ಬೆಂಗಳೂರು ನಗರದಲ್ಲಿ ಐದು, ಚಿಕ್ಕಮಗಳೂರಿನಲ್ಲಿ ಐದು, ಬೆಂಗಳೂರು ಗ್ರಾಮಾಂತರದಲ್ಲಿ ನಾಲ್ಕು, ಮಂಡ್ಯ ಮತ್ತು ಹಾವೇರಿಯಲ್ಲಿ ತಲಾ ಮೂರು ಸೋಂಕು ಪ್ರಕರಣಗಳು ವರದಿಯಾಗಿದೆ.

  ಬೀದರ್, ಧಾರವಾಡದಲ್ಲಿ ತಲಾ ಎರಡು ಸೋಂಕು ಪ್ರಕರಣ ವರದಿಯಾಗಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ಒಂದು ಪ್ರಕರಣ ದೃಢವಾಗಿದೆ.