ಮಂಗಳೂರು: ಕುಡುಪುವಿನ ನಡುಮನೆ, ನೀರುಮಾರ್ಗದ ಕುಟ್ಟಿಕಳ ಸೀಲ್ ಡೌನ್

•   Wed, May 20 2020 07:49:09 PM



• ಮಂಗಳೂರು, ಮೇ 20 (DaijiworldNews/SM): ದ.ಕ. ಜಿಲ್ಲೆಯಲ್ಲಿ ಗುರುವಾರದಂದು ಮಹಿಳೆಯೊಬ್ಬರಲ್ಲಿ ಕೊರೊನಾ ಪಾಸಿಟಿವ್ ಕಂಡುಬಂದಿದ್ದು, ಈ ಹಿನ್ನೆಲೆಯಲ್ಲಿ ಮಹಿಳೆ ವಾಸವಾಗಿದ್ದ ಮನೆಯ ಪ್ರದೇಶವನ್ನು ಸೀಲ್ ಡೌನ್ ಮಾಡಿ ಜಿಲ್ಲಾಧಿಕಾರಿಗಳು ಆದೇಶ ನೀಡಿದ್ದಾರೆ. 

  

  ಗುರುವಾರದಂದು ನೀರುಮಾರ್ಗದ 40 ವರ್ಷದ ಮಹಿಳೆಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿತ್ತು. ಬೆಂಗಳೂರಿನಿಂದ ಮಹಿಳೆ ಆಗಮಿಸಿದ್ದರು. ಇವರು ಕುಡುಪುವಿನ ನಡುಮನೆ, ನೀರುಮಾರ್ಗದ ಕುಟ್ಟಿಕಳ ಪ್ರದೇಶದಲ್ಲಿದ್ದರು. ಈ ಹಿನ್ನೆಲೆಯಲ್ಲಿ ಮಹಿಳೆಯ ವಾಸ್ತವ್ಯ ಹೂಡಿದ್ದ ಪ್ರದೇಶವನ್ನು ಸೀಲ್ ಡೌನ್ ಮಾಡಿ ಜಿಲ್ಲಾಧಿಕಾರಿಗಳು ಆದೇಶ ನೀಡಿದ್ದಾರೆ.

  ಇನ್ನು ಸೋಂಕಿತ ಮಹಿಳೆ ಮೇ 10ರಂದು ಬೆಂಗಳೂರಿನಿಂದ ಆಗಮಿಸಿದ್ದರು. ಅನಾರೋಗ್ಯ ಹಿನ್ನೆಲೆ ಮೇ 17ರಂದು ವೆನ್ಲಾಕ್ ಕೋವಿಡ್ ಆಸ್ಪತ್ರೆಗೆ ದಾಖಲಾಗಿದ್ದರು. ಬಳಿಕ ಅವರ ಗಂಟಲ ದ್ರವ ಸಂಗ್ರಹಿಸಿ ಪರೀಕ್ಷೆಗೆ ರವಾನಿಸಲಾಗಿದ್ದು, ಗುರುವಾರದಂದು ಪಾಸಿಟಿವ್ ಬಂದಿತ್ತು.