ಮಂಗಳೂರು: ಕೊರೊನಾ ಸೋಂಕಿತ ಬೋಳೂರು, ಕುಲಶೇಖರ ಮಹಿಳೆಯರ ಸ್ಥಿತಿ ಗಂಭೀರ

•   Tue, May 05 2020 10:10:03 PM



• ಮಂಗಳೂರು, ಮೇ 05 (DaijiworldNews/PY) : ದ.ಕ. ಜಿಲ್ಲೆಯಲ್ಲಿ ಮಂಗಳವಾರದಂದು 392 ನೆಗೆಟಿವ್‌ ವರದಿ ಲಭ್ಯವಾಗಿದ್ದು, ಒಂದು ಪಾಸಿಟಿವ್‌ ಪ್ರಕರಣ ವರದಿಯಾಗಿದೆ.

  

  ಸದ್ಯ ಜಿಲ್ಲೆಯ 9 ಮಂದಿ ಸೋಂಕಿತರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಇಂದು 26 ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ. 392 ಮಂದಿಯ ವರದಿಗಳು ಲಭ್ಯವಾಗಿದ್ದು, ಒಂದು ಪಾಸಿಟಿವ್‌ ವರದಿ ದೊರಕಿದೆ. ಇನ್ನು 40 ಮಂದಿ ನಿಗಾ ಹಿನ್ನೆಲೆ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇನ್ನು ಇಲ್ಲಿಯ ತನಕ ಒಟ್ಟು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 12 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ.

  ಜಿಲ್ಲಾಡಳಿತದ ಪತ್ರಿಕಾ ಪ್ರಕಟಣೆಯ ಪ್ರಕಾರ, 8 ರೋಗಿಗಳು ಉತ್ತಮವಾಗಿ ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾರೆ. ಪಿ-507, 80 ವರ್ಷದ ಕುಲಶೇಖರ ಮಹಿಳೆ ಹಾಗೂ ಪಿ536. 58 ವರ್ಷದ ಬೋಳೂರು ಮಹಿಳೆಯನ್ನು ಐಸಿಯುಗೆ ದಾಖಲಿಸಲಾಗಿದ್ದು, ಇಬ್ಬರ ಸ್ಥಿತಿ ಗಂಭೀರವಾಗಿದೆ.

  ಈವರೆಗೆ ಒಟ್ಟು 40,224 ಮಂದಿ ಸ್ಕ್ರ್ರೀನಿಂಗ್‌ಗೊಳಪಟ್ಟಿದ್ದಾರೆ. 28 ಮಂದಿ ಎನ್‌ಐಟಿಕೆ ಸುರತ್ಕಲ್‌ನಲ್ಲಿ ಕ್ವಾರಂಟೈನ್‌ನಲ್ಲಿದ್ದಾರೆ. ಇಎಸ್‌ಐ ಹಾಸ್ಪಿಟಲ್‌ನಲ್ಲಿ 40 ಮಂದಿ ಕ್ವಾರಂಟೈನ್‌ನಲ್ಲಿದ್ದಾರೆ. ಇನ್ನು ಇಲ್ಲಿಯ ತನಕ 6073 ಮಂದಿ ಹೋಂ ಕ್ವಾರಂಟೈನ್ ಮುಗಿಸಿದ್ದಾರೆ. ಎಂಬುವುದಾಗಿ ದ.ಕ. ಜಿಲ್ಲಾಧಿಕಾರಿ ಮಾಹಿತಿ ನೀಡಿದ್ದಾರೆ.