'ನನ್ನ ಮೇಲಿನ ದ್ವೇಷಕ್ಕೆ ಅಲೋಕ್‌ ಮೋಹನ್ ಈ ರೀತಿ ಮಾಡುತ್ತಿದ್ದಾರೆ' - ಎಚ್‌ಡಿಕೆ

•   Fri, Apr 24 2020 11:43:24 AM



• ಮೈಸೂರು, ಎ.24(DaijiworldNews/PY) : ನನ್ನ ಮೇಲಿನ ದ್ವೇಷಕ್ಕೆ ಅಲೋಕ್ ಮೋಹನ್ ಈ ರೀತಿ ಮಾಡಿದ್ದಾರೆ ಅನ್ನಿಸುತ್ತೆ. ನನ್ನ ಮೇಲಿನ ಕೋಪಕ್ಕೆ ನನ್ನ ಜನರಿಗೆ ತೊಂದರೆ ಕೊಟ್ಟಿದ್ದಾರೆ. ಈ ಬಗ್ಗೆ ತನಿಖೆ ಆಗಲೇಬೇಕು ಎಂದು ಎಚ್‌.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.

  

  ಈ ಬಗ್ಗೆ ಮೈಸೂರಿನಲ್ಲಿ ಹೇಳಿಕೆ ನೀಡಿರುವ ಅವರು, ಪಾದರಾಯನಪುರ ಪ್ರಕರಣದಲ್ಲಿ ಬಂಧಿತರನ್ನು ರಾಮನಗರ ಜೈಲಿಗೆ ಸ್ಥಳಾಂತರಿಸುವ ಬಂಧಿಖಾನೆ ಎಡಿಜಿಪಿ ಅಲೋಕ್ ಮೋಹನ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ಈಗಾಗಲೇ ನಾನು ಸಿಎಂ ಹಾಗೂ ಗೃಹ ಸಚಿವರಿಗೆ ತಿಳಿಸಿದ್ದೇನೆ. ಅಲೋಕ್‌ ಮೋಹನ್‌ ಅವರು ನಾನು ಸಿಎಂ ಆಗಿದ್ದ ಸಂದರ್ಭ ಬೆಂಗಳೂರು ಕಮಿಷನರ್‌ ಹುದ್ದೆ ಮೇಲೆ ಕಣ್ಣಿಟ್ಟಿದ್ದರು. ಅಲೋಕ್‌ ಮೋಹನ್‌ ಅವರ ಇತಿಹಾಸ ಗೊತ್ತಿದ್ದೇ ನಾನು ಅವಕಾಶ ನೀಡಿರಲಿಲ್ಲ. ಇಂತಹ ಅಧಿಕಾರಿಗಳಿಂದಲೇ ಸರ್ಕಾರ ಸಾರ್ವಜನಿಕವಾಗಿ ಪದೇ ಪದೇ ಮುಜುಗರಕ್ಕೀಡಾಗುತ್ತದೆ. ಇದೇ ರೀತಿಯಾಗಿ ಮುಂದುವರೆದಲ್ಲಿ, ಈಗ ನೀಡುತ್ತಿರುವ ಬೆಂಬಲವನ್ನು ಬಿಟ್ಟು ಹೋರಾಟ ಮಾಡಬೇಕಾಗುತ್ತದೆ ಎಂದು ತಿಳಿಸಿದರು.