ದೇಶದಲ್ಲಿ ಕೊರೊನಾ ಸೋಂಕು ಪ್ರಕರಣ 8,601 ಕ್ಕೆ ಏರಿಕೆ - 3,251 ಮಂದಿ ಗುಣಮುಖ

•   Tue, Apr 21 2020 11:45:04 AM



• ನವದೆಹಲಿ, ಎ.21 (Daijiworld News/MB) : ದೇಶದಲ್ಲಿ ಕೊರೊನಾ ಪ್ರಕರಣಗಳೂ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲ್ಲೇ ಇದ್ದು ಏಪ್ರಿಲ್‌ 20ರ ಸಂಜೆ 5ರಿಂದ ಏಪ್ರಿಲ್‌ 21 ಬೆಳಿಗ್ಗೆ 8ರವರೆಗೂ 954 ಹೊಸ ಪ್ರಕರಣಗಳು ದೃಢಪಟ್ಟಿದ್ದು 31 ಮಂದಿ ಸೋಂಕಿನಿಂದಾಗಿ ಸಾವನ್ನಪ್ಪಿದ್ದಾರೆ. ಹಾಗೆಯೇ ಕಳೆದ 24 ಗಂಟೆಗಳಲ್ಲಿ1,336 ಹೊಸ ಪ್ರಕರಣ ದಾಖಲಾಗಿದ್ದು 47 ಜನರು ಸೋಂಕಿಗೆ ಬಲಿಯಾಗಿದ್ದಾರೆ. ದೇಶದಲ್ಲಿ ಒಟ್ಟು 8,601 ಜನರಿಗೆ ಸೋಂಕು ತಗಲಿದ್ದು 3,251 ಮಂದಿ ಗುಣಮುಖರಾಗಿದ್ದಾರೆ.

  

  ದೇಶದಲ್ಲೇ ಅತೀ ಹೆಚ್ಚು ಕೊರೊನಾ ಪ್ರಕರಣಗಳು ದೃಡಪಟ್ಟಿರುವ ಮಹಾರಾಷ್ಟ್ರದಲ್ಲಿ 4,666 ಜನರಿಗೆ ಸೋಂಕು ತಗಲಿದ್ದು 232 ಮಂದಿ ಮೃತಪಟ್ಟಿದ್ದಾರೆ. ಕರ್ನಾಟಕದಲ್ಲಿ 408 ಸೋಂಕು ಪ್ರಕರಣಗಳು ದಾಖಲಾಗಿದ್ದು ಒಟ್ಟು 17 ಜನರು ಸಾವನ್ನಪ್ಪಿದ್ದಾರೆ.

  ದೆಹಲಿಯಲ್ಲಿ ಒಟ್ಟು 2,081 ಪ್ರಕರಣಗಳು, ತಮಿಳುನಾಡಿನಲ್ಲಿ 1,520 ಪ್ರಕರಣಗಳು, ರಾಜಸ್ಥಾನದಲ್ಲಿ 1,576 ಪ್ರಕರಣಗಳು, ಮಧ್ಯಪ್ರದೇಶದಲ್ಲಿ 1,485, ಮಧ್ಯಪ್ರದೇಶದಲ್ಲಿ 1,485, ತೆಲಂಗಾಣದಲ್ಲಿ 873 ಪ್ರಕರಣಗಳು, ಉತ್ತರ ಪ್ರದೇಶದಲ್ಲಿ 1,184 ಸೋಂಕು ಪ್ರಕರಣಗಳು ದಾಖಲಾಗಿದೆ.