ಮಾಸ್ಕ್ ಹಾಕಲ್ಲ ಬೇಕಿದ್ರೆ ಅರೆಸ್ಟ್ ಮಾಡಿಸಿ - ಮಾಸ್ಕ್ ಕಡ್ಡಾಯವೆಂದ ಸಚಿವ ಮಾಧುಸ್ವಾಮಿಗೆ ರೇವಣ್ಣ ಸವಾಲ್

•   Thu, Apr 16 2020 03:33:01 PM



• ಹಾಸನ, ಏ15 (Daijiworld News/MSP): ಕೋವಿಡ್-19 ನಿಯಂತ್ರಣಾ ಕ್ರಮವಾಗಿ ಏ. 20 ರ ನಂತರ ಮನೆಯಿಂದ ಹೊರಬರುವ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಲೇಬೇಕು. ಸಾರ್ವಜನಿಕರು ಮಾಸ್ಕ್ ಧರಿಸದೆ ಹೊರಗಡೆ ಬಂದರೆ ಅಪರಾಧ ಎಂದು ಪರಿಗಣಿಸಲಾಗುತ್ತದೆ ಎಂಬ ಕಾನೂನು ಸಂಸದೀಯ ವ್ಯವಹಾರಗಳ ಸಚಿವ ಜೆ.ಸಿ ಮಾಧುಸ್ವಾಮಿ ಅವರ ಹೇಳಿಕೆಗೆ ಶಾಸಕ ಎಚ್​.ಡಿ. ರೇವಣ್ಣ ತಿರುಗೇಟು ನೀಡಿದ್ದು, ಏನೇ ಆಗಲಿ ನಾನು ಮಾಸ್ಕ್ ಧರಿಸುವುದಿಲ್ಲ. ಬೇಕಿದ್ರೆ ನನ್ನನ್ನು ಅರೆಸ್ಟ್​ ಮಾಡಿಸಿ ಎಂದು ಸವಾಲು ಹಾಕಿದ್ದಾರೆ.

  

  ಹಾಸನದಲ್ಲಿ ಅಧಿಕಾರಿಗಳು ಮತ್ತು ಪೊಲೀಸರ ಜೊತೆ ಸಭೆ ಸಚಿವ ಮಾಧುಸ್ವಾಮಿ , ಏ.20 ರವರೆಗೆ ಕಟ್ಟುನಿಟ್ಟಾಗಿ ಲಾಕ್ ಡೌನ್ ನಿಯಮಗಳನ್ನು ಪಾಲಿಸಬೇಕೆಂದು ಹೇಳಿದರಲ್ಲದೆ, ಸಾರ್ವಜನಿಕರು ಮನೆಯಲ್ಲೇ ತಯಾರಿಸಿದ ಮಾಸ್ಕ್ ಅಥವಾ ಕರವಸ್ತ್ರ, ಟವೆಲ್, ದುಪ್ಪಟ್ಟಗಳಿಂದ ಮೂಗು ಮತ್ತು ಬಾಯಿ ಮುಚ್ಚಿಕೊಂಡು ಅಗತ್ಯವಿದ್ದಾಗ ರಸ್ತೆಗೆ ಬರಬೇಕು ಮಾಸ್ಕ್ ಧರಿಸದೆ ಹೊರಗೆ ಬಂದರೆ ಅಪರಾಧವಾಗುತ್ತದೆ , ಅಂಥವರನ್ನು ಬಂಧಿಸಿ ಎಂದು ಹೇಳಿದ್ದರು.

  ಇದಕ್ಕೆ ತಿರುಗೇಟು ನೀಡಿದ ಎಚ್​.ಡಿ. ರೇವಣ್ಣ , ನಾನು ಮಾಸ್ಕ್ ಹಾಕುವುದಿಲ್ಲ, ಅಪರಾಧವಾದರೆ ನನ್ನನ್ನೂ ಬಂಧಿಸಿ , ಸಚಿವರು ಹೇಳಿದಂತೆ ಜೈಲಿಗೆ ಹಾಕಲಿ. ಜೈಲಿನಲ್ಲಾದರೂ ಊಟ ಸಿಗುತ್ತದೆ. ಕೊರೋನಾದಿಂದಾಗಿ ಹೊರಗಡೆ ಸರಿಯಾಗಿ ಊಟವೂ ಸಿಗುತ್ತಿಲ್ಲ. ಜೈಲಿನಲ್ಲಾದರೂ ಊಟ ಸಿಗುತ್ತದೆ.