ಕೊರೊನಾಗೆ ಹೋಮಿಯೋಪಥಿ, ಯುನಾನಿ ಔಷಧಗಳ ಪ್ರಯೋಗ ಬೇಡ - ಅರ್ಜಿ ತಿರಸ್ಕರಿಸಿದ ಸುಪ್ರೀಂ

•   Thu, Apr 16 2020 12:22:38 PM



• ನವದೆಹಲಿ, ಏ15 (Daijiworld News/MSP): ಹೋಮಿಯೋಪಥಿ ಮತ್ತು ಯುನಾನಿ ಸೇರಿ ಆಯುಷ್​ ಚಿಕಿತ್ಸಾ ಪದ್ಧತಿಯಲ್ಲಿ ಕೊರೊನಾಗೆ ಚಿಕಿತ್ಸೆ ಲಭ್ಯವಿದ್ದು ಈ ಪದ್ದತಿ ಮೂಲಕ ಚಿಕಿತ್ಸೆಗೆ ಅವಕಾಶ ನೀಡಬೇಕು ಎಂದು ಕೋರಿ ಸಲ್ಲಿಕೆಯಾಗಿದ್ದಅರ್ಜಿಯನ್ನು ಸುಪ್ರೀಂಕೋರ್ಟ್ ತಿರಸ್ಕರಿಸಿದೆ.

  

  ''ಕೊರೊನಾ ಎಂಬುವುದು ಹೊಸ ವೈರಾಣು ಆಗಿದ್ದು, ಇದನ್ನು ನಿಯಂತ್ರಿಸುವ ವಿಷಯದಲ್ಲಿ ಸದ್ಯ ಪ್ರಯೋಗಗಳನ್ನು ಮಾಡುವ ಮೂಲಕ ಅಪಾಯಗಳನ್ನು ಮೈಮೇಲೆ ಎಳೆದುಕೊಳ್ಳಲಾಗುವುದಿಲ್ಲ. ನುರಿತ ತಜ್ಞರು ಮೊದಲು ಇದಕ್ಕೊಂದು ವ್ಯಾಕ್ಸಿನ್​ ಸಿದ್ಧಪಡಿಸಲಿ ಅಮೇಲೆ ಪ್ರಯೋಗಗಳ ಮೇಲೆ ಗಮನಹರಿಸೋಣ" ಎಂದು ಅರ್ಜಿಯನ್ನು ತಿರಸ್ಕರಿಸಿತು.

  ಈ ಬಗ್ಗೆ ಡಾ. ಸಿ.ಆರ್​. ಶಿವರಾಂ ಎಂಬುವರು ಅರ್ಜಿ ಸಲ್ಲಿಸಿದ್ದು, ಸುಪ್ರೀಂ ನ ನ್ಯಾಯಮೂರ್ತಿ ಎನ್​.ವಿ. ರಮಣ ನೇತೃತ್ವದ ನ್ಯಾಯಪೀಠ ವಿಡಿಯೋ ಕಾನ್ಫರೆನ್ಸ್​ ಮೂಲಕ ಅರ್ಜಿಯನ್ನು ವಿಚಾರಣೆ ನಡೆಸಿ ಅರ್ಜಿ ತಿರಸ್ಕರಿಸಿ ಕೊರೊನಾಗೆ ಆಯುಷ್​ ಚಿಕಿತ್ಸೆ ನೀಡಲು ಅವಕಾಶ ನಿರಾಕರಿಸಿತು.