ಹುಂಡಿ ನಮ್ದು, ಕಾಸು ನಿಮ್ದು ಗೋವಿಂದಾ.! ಎನ್ನುತ್ತಿರುವ ಗಿರಿಗಿಟ್ ಶೆಟ್ರು

•   Sun, Mar 29 2020 04:18:09 PM



• ಮಂಗಳೂರು, ಮಾ 29 (Daijiworld News/MSP): ತುಳು ಚಿತ್ರ ಗಿರಿಗಿಟ್ ಸಿನಿಮಾದ ಬ್ಲಾಕ್ ಬಸ್ಟರ್ ಯಶಸ್ಸಿನ ಬಳಿಕ ನಟ ರೂಪೇಶ್ ಶೆಟ್ಟಿ ಕನ್ನಡ ಚಿತ್ರವೊಂದರಲ್ಲಿ ನಟಿಸುತ್ತಿರುವ ಸುದ್ದಿ ಈಗಾಗಲೇ ಹೊರಬಿದ್ದಿತ್ತು.

  

  ಶೈಲೇಂದ್ರ ಬಾಬು ನಿರ್ಮಾಣದ ಹಾಗೂ ರವಿ ಗರಣಿ ಸಹ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ಚಿತ್ರದ ಪೋಸ್ಟರ್ ಇದೀಗ ರಿಲೀಸ್ ಮಾಡಿದ್ದು, "ಗೋವಿಂದಾ ಗೋವಿಂದಾ" ಎನ್ನುವ ಟೈಟಲ್ ಚಿತ್ರಕ್ಕಿದೆ. ಹುಂಡಿ ನಮ್ದು, ಕಾಸು ನಿಮ್ದು ಎನ್ನುವ ಅಡಿಬರಹವಿರುವ ಚಿತ್ರ ಮೇಲ್ನೋಟಕ್ಕೆ ಹಾಸ್ಯ ಮಿಶ್ರಿತ ಮನರಂಜನೀಯ ಚಿತ್ರವೆಂದು ಊಹಿಸಬಹುದಾಗಿದೆ.

  ತ್ರಿ ಭಾಷಾ ತಾರೆ ಭಾವನ ಮೆನನ್ ಚಿತ್ರದಲ್ಲಿ ನಾಯಕಿಯಾಗಿದ್ರೆ ರಾಕ್ ಸ್ಟಾರ್ ರೂಪೇಶ್ ಹಾಗೂ ನಿರ್ಮಾಪಕರ ಶೈಲೇಂದ್ರ ಬಾಬು ಅವರ ಪುತ್ರ ಸುಮಂತ್ ಶೈಲೇಂದ್ರ ಕೂಡ ಮತ್ತೊಬ್ಬ ನಾಯಕನಾಗಿ ನಟಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

  ಒಟ್ಟಾರೆ ಗಿರಿಗಿಟ್ ಚಿತ್ರ ತಂದುಕೊಟ್ಟ ಯಶಸ್ಸನ್ನು ಕನ್ನಡದಲ್ಲಿ “ಗೋವಿಂದಾ ಗೋವಿಂದಾ” ಚಿತ್ರವು ತಂದುಕೊಡಲಿ ಎಂಬುವುದೇ ರಾಕ್ ಸ್ಟಾರ್ ಅಭಿಮಾನಿಗಳ ಆಶಯವಾಗಿದೆ.