ಕಾಸರಗೋಡಿನ ಜನತೆ ಆಹಾರ ಸಾಮಾಗ್ರಿಗಳ ಬಗ್ಗೆ ಚಿಂತಿಸಬೇಡಿ-ಕೊರತೆಯಾಗದಂತೆ ಕ್ರಮ

•   Tue, Mar 24 2020 07:57:19 PM



• ಕಾಸರಗೋಡು, ಮಾ 24 (DaijiworldNews/SM): ಜಿಲ್ಲೆಯಲ್ಲಿ ಯಾವುದೇ ಕಾರಣಕ್ಕೆ ಆಹಾರದ ಕೊರತೆ, ಉಂಟಾಗದು ಜನತೆ ಗಾಬರಿಪಡಬೇಕಿಲ್ಲ ಎಂದು ಜಿಲ್ಲಾಧಿಕಾರಿ ಡಾ. ಡಿ. ಸಜಿತ್ ಬಾಬು ತಿಳಿಸಿದ್ದಾರೆ.

  

  ಬೆಳಿಗ್ಗೆ 11ರಿಂದ ಸಂಜೆ ಐದು ಗಂಟೆ ತನಕ ಅಂಗಡಿ ಮುಂಗಟ್ಟುಗಳನ್ನು ತೆರೆಯಾಲಾಗುವುದು. ಅಗತ್ಯ ಸಾಮಗ್ರಿಗಳು ಲಭಿಸಲು ಕ್ರಮ ತೆಗೆದುಕೊಳ್ಳಲಾಗುವುದು. ತಲೆಹೊರೆ ಕಾರ್ಮಿಕರ ಕೊರತೆಯನ್ನು ಪರಿಹರಿಸಲಾಗುವುದು. ಅಗತ್ಯ ಸಾಮಾಗ್ರಿಗಳ ಅಂಗಡಿ ತೆರೆಯಲು ಮುಂದಾಗದಿದ್ದಲ್ಲಿ ಪೊಲೀಸರ ನೆರವು ಕೋರಲಾಗುವುದು ಎಂದು ಹೇಳಿದರು.

  ದಿನದಿಂದ ದಿನಕ್ಕೆ ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತ ಪ್ರಕರಣಗಳು ಹೆಚ್ಚಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಎಲ್ಲಾ ರೀತಿಯ ಮುಂಜಾಗೃತ ಕ್ರಮಗಳನ್ನು ಕೈಗೊಂಡಿದೆ. ಜನತೆ ಅನಾವಶ್ಯಕವಾಗಿ ಮನೆಯಿಂದ ಹೊರಗಡೆ ಬರದಂತೆ ಜಿಲ್ಲಾಡಳಿತ, ಪೊಲೀಸ್ ಇಲಾಖೆ ಆದೇಶ ನೀಡಿದೆ.