ಮಂಗಳೂರು: ಸ್ಟ್ಯಾಂಪಿಂಗ್ ಇರೋ ವ್ಯಕ್ತಿಗಳು ಆದೇಶ ಮೀರಿದ್ರೆ, ಬಂಧಿಸಿ ಕಠಿಣ ಕ್ರಮ - ಕೋಟಾ ಖಡಕ್ ಸೂಚನೆ

•   Sat, Mar 21 2020 03:56:04 PM



• ಮಂಗಳೂರು, ಮಾ21 ( Daijiworld News/MSP): ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಬಂದ ಪ್ರಯಾಣಿಕರಿಗೆ ಸ್ಟ್ಯಾಂಪಿಂಗ್ ಮಾಡಲಾಗಿದೆ,  ಇದನ್ನು ಮೀರಿ ಸ್ಟ್ಯಾಂಪಿಂಗ್ ಇರುವ ವ್ಯಕ್ತಿಯಾಗಲಿ ಅಥವಾ ಪ್ರತ್ಯೇಕವಾಗಿರಲು ಸೂಚಿಸಿದ ವ್ಯಕ್ತಿ ಆದೇಶ ಮೀರಿ ಹೊರಬಂದರೆ ಅವರನ್ನು ಬಂಧಿಸಿ  ಕಠಿಣ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಕೋಟಾ ಶ್ರೀನಿವಾಸ್ ಪೂಜಾರಿ ಖಡಕ್ ಸೂಚನೆ ನೀಡಿದ್ದಾರೆ.

  

  ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿದ ಅವರು ,ವಿದೇಶದಿಂದ ಬಂದ ಪ್ರಯಾಣಿಕರಿಗೆ ಹಾಗೂ ಇತರರಿಗೆ ಯಾರಿಗೆಲ್ಲಾ 14 ದಿನ ಮನೆಯಲ್ಲಿಯೇ ಸ್ವ ನಿರ್ಬಂಧ ಹೇರಿಕೊಂಡು ಸೂಚನೆ ನೀಡಲಾಗಿದೆ. ಅಂತಹ ವ್ಯಕ್ತಿಗಳು ಅಥವಾ ಸ್ಟ್ಯಾಂಪಿಂಗ್ ಸಾರ್ವಜನಿಕ ಸ್ಥಳಗಳಲ್ಲಿ ಕಂಡುಬಂದರೆ ತಕ್ಷಣ ಆರೋಗ್ಯ ಇಲಾಖೆಗೆ ಕರೆ ಮಾಡಿ ಮಾಹಿತಿ ನೀಡಿ. ಒಂದು ವೇಳೆ  ಇಂತಹ ವ್ಯಕ್ತಿಗಳು ಕಾನೂನು ಉಲ್ಲಂಘಿಸಿದ್ರೆ ಬಂಧಿಸುವಂತೆ ಆದೇಶ ನೀಡಲಾಗಿದೆ ಎಂದು ಎಚ್ಚರಿಕೆ ನೀಡಿದ್ದಾರೆ. 

  ಈಗಾಗಲೇ ಕೊರೊನಾ ಸಂಬಂಧಿಸಿ ಜಿಲ್ಲಾಡಳಿತ ಹಲವಾರು ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡಿದ್ದು, ಸಾರ್ವಜನಿಕರೂ ಕೈ ಜೋಡಿಸಬೇಕು ಎಂದು ಇದೇ ವೇಳೆ ಮನವಿ ಮಾಡಿದರು.