ಸುಳ್ಯ: ದೇವರಕೊಲ್ಲಿ ಬಳಿ ಲಾರಿ ಪ್ರಪಾತಕ್ಕೆ ಉರುಳಿ ಚಾಲಕ ದುರ್ಮರಣ

•   Fri, Mar 20 2020 01:54:51 PM



• ಸುಳ್ಯ, ಮಾ 20 ( Daijiworld News/MSP): ಸುಳ್ಯ ಸಮೀದ ದೇವರಕೊಲ್ಲಿ ಸಮೀಪ ಲಾರಿಯೊಂದು ಚಾಲಕನ ನಿಯಂತ್ರಣ ತಪ್ಪಿ ಲಾರಿ ಚಾಲಕ ದುರ್ಮರಣಕ್ಕೀಡಾದ ಘಟನೆ ವರದಿಯಾಗಿದೆ.

  

  ಮೃತಪಟ್ಟ ಚಾಲಕನನ್ನು ತಮಿಳುನಾಡಿನ ಈ ರೋಡ್ ನಿವಾಸಿ ಮಣಿ ಎಂದು ಗುರುತಿಸಲಾಗಿದೆ.ಗಂಭೀರ ಗಾಯಗೊಂಡ ಲಾರಿ ಕ್ಲೀನರ್ ಸೋಕಪ್ಪನ್ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಮಡಿಕೇರಿ ಕಡೆಯಿಂದ ಸಿಮೆಂಟ್‌ಗೋಣಿಗಳನ್ನು ಹೇರಿಕೊಂಡು ಬರುತ್ತಿದ್ದ ಮಾಣಿ -ಮೈಸೂರು ರಾಷ್ಟ್ರೀಯ ಹೆದ್ದಾರಿ 275ರಲ್ಲಿ ಲಾರಿ ಚಲಾಯಿಸಿಕೊಂಡು ಈ ದುರ್ಘಟನೆ ನಡೆದಿದೆ. ಮಡಿಕೇರಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.