ಉಡುಪಿ: 'ಹೂಡೆಯಲ್ಲಿ ವೃದ್ಧ ಕೊರೊನಾದಿಂದಾಗಿ ಮೃತಪಟ್ಟಿಲ್ಲ' - ಜಿ.ಜಗದೀಶ್ ಸ್ಪಷ್ಟನೆ

•   Sat, Mar 14 2020 02:49:25 PM



• ಉಡುಪಿ, ಮಾ. 14 (Daijiworld News/MB) : ಹೃದಯಾಘಾತದಿಂದಾಗಿ ಹೂಡೆಯಲ್ಲಿ ಪಂಚಕರ್ಮ ಚಿಕಿತ್ಸೆ ಪಡೆಯುತ್ತಿದ್ದ ಸುಮಾರು 82 ವರ್ಷದ ವೃದ್ಧ ಸಾವನ್ನಪ್ಪಿದ್ದು ಅವರ ಸಾವಿಗೆ ಕೊರೊನಾ ಕಾರಣವಲ್ಲ ಎಂದು ಜಿಲ್ಲಾಧಿಕಾರಿ ಜಿ.ಜಗದೀಶ್ ಸ್ಪಷ್ಟನೆ ನೀಡಿದ್ದಾರೆ.

  

  ಮೃತರು ಪಂಜಾಬ್‌ ಮೂಲದವರಾಗಿದ್ದು ಹೊಡೆಯಲ್ಲಿ ನವೆಂಬರ್‌ನಿಂದ ಪಂಚಕರ್ಮ ಚಿಕಿತ್ಸೆ ಪಡೆಯುತ್ತಿದ್ದರು. ಹೃದಯಾಘಾತದಿಂದಾಗಿ ಅವರು ಮೃತಪಟ್ಟಿದ್ದಾರೆ. ಈ ಕುರಿತಾಗಿ ವದಂತಿ ಹಬ್ಬಿಸುವವರ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ಎಚ್ಚರಿಕೆ ನೀಡಿದ್ದಾರೆ.

  ಹಾಗೆಯೇ ಸಾರ್ವಜನಿಕರು ಈ ರೀತಿಯ ವದಂತಿಗಳಿಗೆ ಕಿವಿಗೊಡಬೇಡಿ ಎಂದು ತಿಳಿಸಿದ್ದಾರೆ.