ನವದೆಹಲಿ: ಗಂಗೂಲಿ ದಾಖಲೆ ಮೆಟ್ಟಿನಿಲ್ಲಲು ಕೊಹ್ಲಿಗೆ ಬೇಕಿದೆ 05 ರನ್

•   Wed, Feb 19 2020 12:50:28 AM



• ನವದೆಹಲಿ, ಫೆ 19 (DaijiworldNews/SM): ಭಾರತದ ರನ್ ಮಿಷೆನ್ ವಿರಾಟ್ ಕೊಹ್ಲಿ ದಾಖಲೆಗಳ ಮೇಲೆ ದಾಖಲೆಗಳನ್ನು ನಿರ್ಮಿಸುತ್ತಿದ್ದಾರೆ. ಇದೀಗ ಮತ್ತೊಂದು ಹೊಸ ದಾಖಲೆ ನಿರ್ಮಾಣಕ್ಕೆ ತುದಿಗಾಲಲ್ಲಿ ನಿಂತಿದ್ದಾರೆ.

  

  ಭಾರತೀಯ ಕ್ರಿಕೆಟ್ ನ ದಂತಕಥೆ ಸೌರವ್ ಗಂಗೂಲಿ ಅವರ ದಾಖಲೆಯನ್ನು ಮುರಿಯಲಿದ್ದಾರೆ. ಫೆಬ್ರವರಿ 21 ರಂದು ವೆಲ್ಲಿಂಗ್ಟನ್‌ನಲ್ಲಿ ಆರಂಭವಾಗಲಿರುವ ನ್ಯೂಜಿಲೆಂಡ್ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಕೊಹ್ಲಿ ಈ ದಾಖಲೆ ಮುರಿಯುವುದು ಖಚಿತ ಎನ್ನಲಾಗಿದೆ.

  
  ಪ್ರಸ್ತುತ ವಿರಾಟ್ ಕೊಹ್ಲಿ ಸೌರವ್ ಗಂಗೂಲಿ ಅವರ ದಾಖಲೆ ಹಿಂದಿಕ್ಕಲು ಕೇವಲ 05 ರನ್ ಗಳ ಅಗತ್ಯವಿದೆ. ಟೆಸ್ಟ್ ಕ್ರಿಕೆಟ್ ನಲ್ಲಿ ರನ್ ಮಷೀನ್ ವಿರಾಟ್ ಕೊಹ್ಲಿ ಇದುವರೆಗೆ 84 ಟೆಸ್ಟ್‌ಗಳಲ್ಲಿ 54.97 ಸರಾಸರಿಯಲ್ಲಿ 7207 ರನ್ ಗಳಿಸಿದ್ದಾರೆ.

  
  ಗಂಗೂಲಿ ತಮ್ಮ ವೃತ್ತಿ ಜೀವನದಲ್ಲಿ 113 ಟೆಸ್ಟ್ ಪಂದ್ಯಗಳಲ್ಲಿ 42.17 ಸರಾಸರಿಯಲ್ಲಿ 7212 ರನ್ ಗಳಿಸಿದ್ದಾರೆ. ಗಂಗೂಲಿ ಸಾಧನೆ ಮೆಟ್ಟಿ ನಿಲ್ಲಲು ವಿರಾಟ್ ಕೊಹ್ಲಿ ಗೆ ಇನ್ನು ಕೇವಲ 05 ರನ್ ಅವಶ್ಯಕತೆ ಇದೆ.