'ಪಿಂಗಾರ' ಕನ್ನಡ ಹಾಗೂ ಭಾರತೀಯ ಸಿನಿಮಾ ಸ್ಪರ್ಧೆಗೆ ಆಯ್ಕೆ

•   Mon, Feb 17 2020 05:03:50 PM



• ಮಂಗಳೂರು, ಫೆ 17 (Daijiworld News/MB) : ತುಳು, ಕನ್ನಡ ಸಿನಿಮಾ ಪಿಂಗಾರ 12 ನೇ ಬೆಂಗಳೂರು ಅಂತರ್‌ ರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಕನ್ನಡ ಸಿನಿಮಾ ಸ್ಪರ್ಧೆ ಹಾಗೂ ಭಾರತೀಯ ಸಿನಿಮಾ ಸ್ಪರ್ಧೆಗೆ ಆಯ್ಕೆಯಾಗಿದೆ.

  

  ಆರ್‌. ಪ್ರೀತಮ್‌ ಶೆಟ್ಟಿ ನಿರ್ದೇಶಿಸಿ, ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿರುವ ಪಿಂಗಾರ ಸಿನಿಮಾ ತುಳು ಹಾಗೂ ಕನ್ನಡ ಭಾಷೆಯಲ್ಲಿದೆ.

  ಅವಿನಾಶ್‌ ಯು ಶೆಟ್ಟಿ ಹಾಗೂ ಡಿ.ಎನ್‌.ಮಂಜುನಾಥ ರೆಡ್ಡಿ ಈ ಸಿನಿಮಾದ ನಿರ್ಮಾಣದ ಹೊಣೆ ಹೊತ್ತಿದ್ದಾರೆ.

  ಈ ಸಿನಿಮಾದಲ್ಲಿ ಮಧುಮತಿ ಎನ್‌.ಕೆ., ನೀಮಾ ರೆ, ಶಶಿರಾಜ್‌ ಕಾವೂರು, ಪಾರ್ಥ, ಜನಾರ್ಧನ್‌ ಕುಕ್ಕೆ, ರಂಜನ್‌ ಸುವರ್ಣ, ಸೂರಜ್ ಶೆಟ್ಟಿ, ಗಣೇಶ್‌ ಹೆಚ್‌.ಸಿ., ಸಿಂಚನ ಚಂದ್ರಮೋಹನ್‌, ಧನು. ಡಿ., ಸುಬ್ರಹ್ಮಣ್ಯ, ಮಂಜುನಾಥ್ ತುಮಕೂರು, ವಿಲಿಯಮ್‌, ಮೋಹನ್‌ ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ.

  ವಿ. ಪವನ್‌ ಕುಮಾರ್‌ ಛಾಯಾಗ್ರಹಣ ಮಾಡಿದ್ದು, ಗಣೇಶ್‌ ನೀರ್ಚಾಲ್‌, ಶೇಷಾಚಲ್‌ ಕುಲಕರ್ಣಿ ಸಂಕಲನ ಮಾಡಿದ್ದಾರೆ.