ಮಂಗಳೂರು : ಸರಕಾರ ನ್ಯಾಯದ ಪರ - ಕೋಟಾ ಶ್ರೀನಿವಾಸ್ ಪೂಜಾರಿ

•   Thu, Dec 26 2019 02:31:21 PM



• ಮಂಗಳೂರು, ಡಿ 26 (Daijiworld News/PY) : ಸಿದ್ದರಾಮಯ್ಯ, ಕುಮಾರಸ್ವಾಮಿ, ಗುಂಡೂರಾವ್, ಯು.ಟಿ ಖಾದರ್ ಇವರೆಲ್ಲಾ ಯಾವುದೇ ರೀತಿಯ ಹೇಳಿಕೆಗಳನ್ನು ನೀಡುವ ಮೊದಲು ತಮ್ಮ ಆತ್ಮಸಾಕ್ಷಿಯನ್ನು ಪರಿಶೀಲಿಸಲಿ ಎಂದು ಸಚಿವ ಕೋಟಾ ಶ್ರೀನಿವಾಸ್ ಪೂಜಾರಿ ಹೇಳಿದ್ದಾರೆ.

  

  

  ಮಂಗಳೂರಿನ ದ.ಕ ಜಿಲ್ಲಾ ಬಿಜೆಪಿ ಕಛೇರಿಯಲ್ಲಿ ಡಿ.26ರ ಗುರುವಾರ ನಡೆದ ಮಾಧ್ಯಮಗೋಷ್ಠಿಯಲ್ಲಿ ಗೋಲಿಬಾರ್ ಪ್ರಕರಣದ ಕುರಿತು ಮಾತನಾಡಿದ ಅವರು, ಕಲ್ಲು ತೂರಾಟ, ಠಾಣೆಗೆ ದಿಗ್ಭಂದನ, ಬಂದೂಕು ಅಂಗಡಿಯೊಳಕ್ಕೆ ನುಗ್ಗಲು ಯತ್ನ ಮೊದಲಾದವು ಶಾಂತಿಯುತ ಪ್ರತಿಭಟನೆಯ ಭಾಗವೇ ಎಂದು ಪ್ರಶ್ನಿಸಿದ್ದಾರೆ.

  ಪ್ರತಿಭಟನೆಯು ತೀವ್ರಗೊಂಡಾಗ ಪರಿಸ್ಥಿತಿಯನ್ನು ಅವಲೋಕಿಸಿ ಪೊಲೀಸರೇ ಗೋಲಿಬಾರ್ ಮಾಡುವಂತೆ ನಿರ್ಧಾರ ತೆಗೆದುಕೊಂಡಿದ್ದಾರೆ, ಆದ್ದರಿಂದ ಗೋಲಿಬಾರ್ ಅವಶ್ಯಕವಾಗಿರಬಹುದು, ಈ ವಿಚಾರದಲ್ಲಿ ಸರ್ಕಾರವು, ನ್ಯಾಯದ ಕಡೆ ಇದೆಯೇ ಹೊರತು ರಾಜ್ಯ ಸರಕಾರ ಪೊಲೀಸ್ ಅಥವಾ ಪ್ರತಿಭಟನಾಕಾರರ ಕಡೆ ಇಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.