ವಿಶ್ವಸಂಸ್ಥೆಯಲ್ಲಿ ಕಾಶ್ಮೀರ ವಿಷಯ ಪ್ರಸ್ತಾಪಿಸಿದರೆ ಅನುಕೂಲವಾಗುತ್ತದೆ ಎಂಬ ನಂಬಿಕೆ ತಮಗಿಲ್ಲ - ಇಮ್ರಾನ್​ ಖಾನ್​

•   Fri, Sep 27 2019 01:18:38 PM



• ನ್ಯೂಯಾರ್ಕ್​, ಸೆ.27(Daijiworld News/SS): ವಿಶ್ವಸಂಸ್ಥೆಯಲ್ಲಿ ಕಾಶ್ಮೀರ ವಿಷಯ ಪ್ರಸ್ತಾಪಿಸಿ, ಭಾರತದ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮಾಡಲು ಸಾಧ್ಯ ಎಂಬ ವಿಷಯದಲ್ಲಿ ಇಮ್ರಾನ್​ ಖಾನ್​ ಭರವಸೆ ಕಳೆದುಕೊಂಡಿದ್ದಾರೆ.

  

  ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ 74ನೇ ಅಧಿವೇಶನದಲ್ಲಿ ಕಾಶ್ಮೀರ ವಿಷಯವನ್ನು ಪ್ರಸ್ತಾಪಿಸಿದರೆ ಹೆಚ್ಚಿನ ಅನುಕೂಲವಾಗುತ್ತದೆ ಎಂಬ ನಂಬಿಕೆ ತಮಗಿಲ್ಲ ಎಂದು ಪಾಕಿಸ್ತಾನ ಪ್ರಧಾನಿ ಇಮ್ರಾನ್​ ಖಾನ್​ ಹೇಳಿದ್ದಾರೆ. ಬೇರೆ ವಿಷಯಗಳಿಗಿಂತಲೂ ಕಾಶ್ಮೀರವೇ ಮುಖ್ಯ ನಮಗೆ. ಅದಕ್ಕಾಗಿಯೇ ನಾನು ನ್ಯೂಯಾರ್ಕ್​ಗೆ ಬಂದಿದ್ದೇನೆ. ಆ ಪ್ರದೇಶದಲ್ಲಿ ಬಹುದೊಡ್ಡ ದುರಂತದತ್ತ ನಾವು ಸಾಗುತ್ತಿದ್ದೇವೆ ಎಂಬ ಸಂಗತಿ ವಿಶ್ವದ ಅರವಿಗೇ ಬರುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.

  ಅಧಿವೇಶನದಲ್ಲಿ ಈ ವಿಷಯ ಪ್ರಸ್ತಾಪಿಸುವುದರಿಂದ ಹೆಚ್ಚಿನದ್ದೇನೋ ಆಗಿಬಿಡುತ್ತದೆ ಎಂಬ ಆಶಾಭಾವ ನನಗಿಲ್ಲ. ಆದರೆ, ಅಲ್ಲಿ ಆಗಬಹುದಾದ ಜನಾಂಗೀಯ ಹತ್ಯೆ ಬಗ್ಗೆ ವಿಶ್ವದ ಗಮನಸೆಳೆದು, ಎಚ್ಚರಿಸಲು ಅನುಕೂಲವಾಗುತ್ತದೆ ಎಂದು ತಿಳಿಸಿದ್ದಾರೆ.