ಮುಂಬೈ: ಆರ್ ಸಿಬಿ ತಂಡದ ಕ್ರಿಕೆಟ್ ಕಾರ್ಯಾಚರಣೆಗಳ ನಿರ್ದೇಶಕರಾಗಿ ಮೈಕ್​ ಹೆಸ್ಸನ್!

•   Fri, Aug 23 2019 07:07:02 PM



• ಮುಂಬೈ, ಆ 23 (DaijiworldNews/SM): ರವಿಶಾಸ್ತ್ರಿ ಟೀಂ ಇಂಡಿಯಾದ ರೋಚ್ ಆಗಿ ಪುನರಾಯ್ಕೆಗೊಂಡಿದ್ದಾರೆ. ಆದರೆ, ಕೋಚ್ ಆಯ್ಕೆ ಸಂದರ್ಭ ಮುಂಚೂಣಿಯಲ್ಲಿದ್ದ ನ್ಯೂಜಿಲ್ಯಾಂಡ್​ ಕ್ರಿಕೆಟ್​​ನ ಮಾಜಿ ಕೋಚ್​​ ಮೈಕ್​ ಹೆಸ್ಸನ್ ಅವರಿಗೆ ತೀವ್ರ ಹಿನ್ನಡೆ ಉಂಟಾಗಿತ್ತು. ಆದರೆ ಇದೀಗ ಅವರಿಗೆ ಭಾರತದೊಳಗೆ ಹೊಸ ಅವಕಾಶವೊಂದು ಲಭಿಸಿದೆ.

  

  ಆರ್ ಸಿಬಿ ತಂಡ ಮೈಕ್​ ಹೆಸ್ಸನ್ ಅವರಿಗೆ ಮಣೆ ಹಾಕಿದೆ. ಆರ್​ಸಿಬಿ ತಂಡ ಮೈಕ್​ ಹೆಸ್ಸನ್​​​ ಅವರಿಗೆ ತಂಡದ ಕ್ರಿಕೆಟ್ ಕಾರ್ಯಾಚರಣೆಗಳ ನಿರ್ದೇಶಕನ್ನಾಗಿ ಆಯ್ಕೆ ಮಾಡಿದೆ. ಜತೆಗೆ ಆಸ್ಟ್ರೇಲಿಯಾದ ಮಾಜಿ ಬ್ಯಾಟ್ಸ್​​ಮನ್​​ ಸೈಮನ್ ಕಟಿಚ್ ಅವರನ್ನು ತಂಡದ ಮುಖ್ಯ ಕೋಚ್​ ಆಗಿ ನೇಮಕಗೊಳಿಸಿದೆ.

  ಆಗಸ್ಟ್​​ 16ರಂದು ನಡೆದ ಸಂದರ್ಶನದಲ್ಲಿ ಕಪಿಲ್​ ದೇವ್​ ನೇತೃತ್ವದ ಕ್ರಿಕೆಟ್​ ಸಲಹಾ ಸಮಿತಿ, ಮೈಕ್​ ಹೆಸ್ಸನ್​ ಅವರ ಹೆಸರನ್ನು ಟೀಂ ಇಂಡಿಯಾ ಹೆಡ್ ಕೋಚ್ ಆಗಿ ಅಂತಿಮಗೊಳಿಸಿತ್ತು. ಆದರೆ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ಸಲಹೆ ಮೇರೆಗೆ ಇನ್ನೊಂದು ಅವಧಿಗೆ ರವಿಶಾಸ್ತ್ರಿಯನ್ನೇ ತಂಡದ ಕೋಚ್​ ಆಗಿ ಮರುನೇಮಕಗೊಳಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಇಂಡಿಯನ್​ ಪ್ರೀಮಿಯರ್​​ ಲೀಗ್​​ನ ಆರ್​ಸಿಬಿ ತಂಡ ಹೆಸ್ಸನ್‌ ಅವರಿಗೆ ಮಣೆ ಹಾಕಿದೆ.