ಮಂಗಳೂರು: ಬಸ್ ಚಾಲನೆ ವೇಳೆ ಮೊಬೈಲ್ ಬಳಕೆ-ಚಾಲಕನಿಗೆ ದಂಡ

•   Tue, Aug 20 2019 02:17:15 PM



• ಮಂಗಳೂರು,ಆ 20 (Daijiworld News/RD): ಬಸ್ ಚಾಲನೆ ವೇಳೆ ಮೊಬೈಲ್ ಪೋನ್ ಬಳಸುತ್ತಿದ್ದ ಬಸ್ ಚಾಲಕನ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು, ಆತನ ಮೇಲೆ ಮಂಗಳೂರು ಸಂಚಾರ ಪೊಲೀಸರು ದಂಡ ವಿಧಿಸಿದ್ದಾರೆ.

  

  ಸಂದೇಶ್ ನಾಯ್ಕ್ ಬಸ್ ಚಾಲಕನಾಗಿದ್ದು, ಕಾರ್ಕಳ, ಮೂಡುಬಿದಿರೆಯಿಂದ ಮಂಗಳೂರಿಗೆ ಸಾಗುವ ಈ ಬಸ್ ಚಲಾಯಿಸಿಕೊಂಡು ಹೋಗುವ ವೇಳೆ ಚಾಲಕ ಮೊಬೈಲ್ ಪೋನ್ ನಲ್ಲಿ ಮಾತನಾಡುತ್ತಿದ್ದನು, ಈ ಬಗ್ಗೆ ಪ್ರಯಾಣಿಕರು ಮಾತನಾಡಿದಾಗ ಆತ ಬೇಜಾವ್ದಾರಿಯಿಂದ ಉತ್ತರ ನೀಡಿದ್ದಾನೆ ಎನ್ನಲಾಗಿದೆ. ಇನ್ನೂ ರಸ್ತೆಯ ತಿರುವುಗಳಲ್ಲಿಯೂ ಕೂಡ ಈತ ಪೋನ್ ನಲ್ಲಿ ಮಾತನಾಡುತ್ತಿದ್ದ ಎಂದು ಪ್ರಯಾಣಿಕರು ಹೇಳಿದ್ದಾರೆ.

  ಇದನ್ನು ಗಮನಿಸಿದ ನಗರದ ಪೊಲೀಸರು ಬಸ್ ಚಾಲನೆ ವೇಳೆ ಮೊಬೈಲ್ ಬಳಕೆ ಮಾಡಿದ್ದಾನೆ, ಜೊತೆಗೆ ಪ್ರಯಾಣಿಕರೊಂದಿಗೆ ಬೇಜವಾಬ್ದಾರಿಯಿಂದ ನಡೆದುಕೊಂಡಿದ್ದಾನೆ ಎಂಬ ಆರೋಪದಡಿ ತಕ್ಷಣ ಆತನ ವಿರುದ್ಧ ಕ್ರಮ ಕೈಗೊಂಡು 1100 ರೂ ದಂಡ ವಿಧಿಸಿದ್ದಾರೆ.