ವಿಟ್ಲ: ವಿದ್ಯುತ್ ಕಾಮಗಾರಿ ವೇಳೆ ಕರೆಂಟ್ ಶಾಕ್ - ಕಾರ್ಮಿಕ ಸಾವು

•   Tue, Jul 30 2019 01:19:56 PM



• ವಿಟ್ಲ, ಜು30(Daijiworld News/SS): ವಿದ್ಯುತ್ ಪರಿವರ್ತಕದಿಂದ ಶಾಕ್ ಹೊಡೆದು ಕಾರ್ಮಿಕ ಮೃತಪಟ್ಟ ಘಟನೆ ಕರೋಪಾಡಿ ಗ್ರಾಮದ ಮಿತ್ತನಡ್ಕದಲ್ಲಿ ನಡೆದಿದೆ.

  

  ಕರೋಪಾಡಿ ಗ್ರಾಮದ ನಿವಾಸಿ ಪೆಲಿಕ್ಸ್ ಮೃತಪಟ್ಟ ಕಾರ್ಮಿಕ. ಇವರು ಕನ್ಯಾನ ಶಾಖೆಯ ವ್ಯಾಪ್ತಿಯಲ್ಲಿ ತಾತ್ಕಾಲಿಕ ಸಿಬ್ಬಂದಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು.

  ಸ್ಥಳೀಯರು ಕರೆಂಟ್ ಇಲ್ಲ ಎಂದು ಕರೆ ಮಾಡಿದ ಹಿನ್ನೆಲೆಯಲ್ಲಿ, ಪೆಲಿಕ್ಸ್ ಅವರು ಮಿತ್ತನಡ್ಕದಲ್ಲಿರುವ ವಿದ್ಯುತ್ ಪರಿವರ್ತಕ ಕಂಬಕ್ಕೆ ಹತ್ತಿ ಕೆಲಸ ಮಾಡುತ್ತಿದ್ದರು. ಈ ವೇಳೆ ಕರೆಂಟ್ ಶಾಕ್ ಹೊಡೆದು ಸ್ಥಳದಲ್ಲಿಯೇ ಪೆಲಿಕ್ಸ್ ಮೃತಪಟ್ಟಿದ್ದಾರೆ.

  ಸ್ಥಳಕ್ಕೆ ವಿಟ್ಲ ಪೊಲೀಸರು ಹಾಗೂ ಸಿಬ್ಬಂದಿಗಳು ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ.