ದಿಢೀರ್ ತಲೆಎತ್ತಿದ ಮದ್ಯದಂಗಡಿ: ಗ್ರಾಮಸ್ಥರ ಪ್ರತಿಭಟನೆ

•   Wed, Sep 13 2017 02:13:45 PM



• ಬಂಟ್ವಾಳ ಸೆ.13: ವಿಟ್ಲ ವೀರಕಂಬ ಗ್ರಾಮದ ಅರೆಬೆಟ್ಟು ಕೇಪುಳಕೋಡಿಯಲ್ಲಿ ದಿಢೀರ್ ಮದ್ಯದಂಗಡಿ ಆರಂಭವಾಗಿದ್ದು ಇದಕ್ಕೆ ಸಾರ್ವಜನಿಕರಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ. ಕಲ್ಲಡ್ಕ ಹೆದ್ದಾರಿ ಬದಿಯಲ್ಲಿದ್ದ ಪ್ರಶಾಂತ್ ವೈನ್ ಶಾಪ್ ಇಲ್ಲಿಗೆ ಸ್ಥಳಾಂತರಿಸಿದ್ದು, ಯಾವುದೇ ಮುನ್ಸೂಚನೆ ಇಲ್ಲದೇ ಆರಂಭ ಮಾಡಲಾಯಿತು.

  

  

  ಮಾಹಿತಿ ತಿಳಿದು ನೂರಾರು ಸಂಖ್ಯೆಯಲ್ಲಿ ಗ್ರಾಮಸ್ಥರು ಸ್ಥಳಕ್ಕಾಗಮಿಸಿ ಪ್ರತಿಭಟನೆ ನಡೆಸಿದರು. ಸ್ಥಳೀಯ ನಿವಾಸಿ ಕೃಷ್ಣಪ್ಪ ಪೂಜಾರಿ ಎಂಬವರು ಸರ್ಕಾರಿ ಜಾಗವೊಂದರಲ್ಲಿ ಅಕ್ರಮವಾಗಿ ಕಟ್ಟಡ ನಿರ್ಮಿಸಿ ಮದ್ಯದಂಗಡಿ ತೆರೆಯಲು ಅವಕಾಶ ಮಾಡಿಕೊಟ್ಟಿದ್ದು ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಯಿತು. ಇನ್ನು ಈ ಹಿಂದೆ ಕೃಷ್ಣಪ್ಪ ಪೂಜಾರಿ ತನ್ನ ಸಹೋದರನನ್ನೇ ಚೂರಿಯಿಂದ ಇರಿದು ಕೊಲೆಗೈದ ಆರೋಪವೂ ಈತನ ಮೇಲಿದೆ. ಸ್ಥಳಕ್ಕಾಗಮಿಸಿದ ವಿಟ್ಲ ಠಾಣಾ ಪೊಲೀಸರು ಪರಿಶೀಲನೆ ನಡೆದಿದ್ದಾರೆ.