ಗಂಜಿಮಠದಲ್ಲಿ ಬಾವಿ ಕಾಮಗಾರಿ ವೇಳೆ ದುರಂತ - ಓರ್ವ ಕಾರ್ಮಿಕ ಸಾವು ,ಮತ್ತೋರ್ವ ಗಂಭೀರ

•   Thu, Jun 06 2019 04:58:13 PM



• ಮಂಗಳೂರು, ಜೂ 6 (Daijiworld News/MSP): ನಗರದ ಹೊರವಲಯದಲ್ಲಿ ಗಂಜಿಮಠದಲ್ಲಿವ ಹಂಚಿನ ‌ಕಾರ್ಖಾನೆ ಬಳಿಯ ‌ಬಾವಿಯ ಕಾಮಗಾರಿ ವೇಳೆ ಅವಘಡ ಸಂಭವಿಸಿ ಕಾರ್ಮಿಕರೊಬ್ಬರು ಮೃತಪಟ್ಟು ಮತ್ತೋರ್ವ ಗಂಭೀರವಾಗಿ ಗಾಯಗೊಂಡ ಘಟನೆ ಜೂ.6 ರ ಗುರುವಾರ ನಡೆದಿದೆ.

  

  

  

   

  ಮೃತ ಕೂಲಿ ಕಾರ್ಮಿಕನನ್ನು ಬಂಟ್ವಾಳದ ಸಿದ್ದಕಟ್ಟೆಯ ಸೇಸು ಮೂಲ್ಯ ಎಂಬವರ ಪುತ್ರ ವೆಂಕಪ್ಪ ಕುಲಾಲ್(38) ಎಂದು ಗುರುತಿಸಲಾಗಿದೆ.

  ಘಟನೆಯ ವಿವರ :

  ಗಂಜಿಮಠದಲ್ಲಿ ಹೊಸ ಪೆಟ್ರೋಲ್ ಬಂಕ್ ನಿರ್ಮಾಣವಾಗುತ್ತಿದ್ದು, ಇದರ ಸನಿಹದಲ್ಲೇ ಹಳೆಯ ಬಾವಿ ಇದ್ದು ಬೇಸಿಗೆಯಲ್ಲೂ ಸಾಕಷ್ಟು ನೀರೂ ಲಭ್ಯವಿರುವ ಕಾರಣ ಬಾವಿಯನ್ನು ಅಭಿವೃದ್ದಿಪಡಿಸಿ ಮುಚ್ಚುವ ಬದಲು ಹಾಗೆಯೇ ಉಳಿಸಿಕೊಳ್ಳಲು ನಿರ್ಧರಿಸಿದ್ದರು. ಈ ಹಿನ್ನಲೆಯಲ್ಲಿ ರಾಜೇಶ್ ಎಂಬವರಿಗೆ ಗುತ್ತಿಗೆ ವಹಿಸಿಕೊಂಡು ಬಾವಿಯ ಕಾಮಗಾರಿ ನಿರ್ವಹಿಸುತ್ತಿದ್ದರು. ಒಟ್ಟು ಐವರು ಕಾರ್ಮಿಕರು ಬಾವಿಯ ಮೇಲೆ ಕಾಂಕ್ರೀಟ್​ ಸ್ಲ್ಯಾಬ್​ ಹಾಕುವ ಕೆಲಸದಲ್ಲಿ ತೊಡಗಿದ್ದರು. ಇದರ ತಳಭಾಗದಲ್ಲಿ ವೆಂಕಪ್ಪ ಕೆಲಸ ಮಾಡುತ್ತಿದ್ದರೆ ಇನ್ನು ನಾಲ್ವರು ಮೇಲ್ಭಾಗದಲ್ಲೇ ಕೆಲಸ ಮಾಡುತ್ತಿದ್ದರು. ಆಗ ಸ್ಲ್ಯಾಬ್​ ಹಠಾತ್ತನೆ ಕುಸಿಯಿತು.

  . ಈ ಬಾವಿಯನ್ನು ಉಳಿಸಿಕೊಳ್ಳಲು ತೀರ್ಮಾನಿಸಿದ್ದ ಬಂಕ್‌ನವರು ಬಾವಿಗೆ ಕಾಂಕ್ರೀಟ್ ಹಾಕಿಸಿ, ಅಭಿವೃದ್ಧಿ ಪಡಿಸಲು ಮುಂದಾಗಿದ್ದರು .ರಾಜೇಶ್ ಎಂಬುವರು ಗುತ್ತಿಗೆ ನೀಡಿದ್ದರು. ಅದರಂತೆ ಕೆಲಸ ನಡೆಯುತ್ತಿತ್ತು. ಒಟ್ಟು ಐವರು ಕಾರ್ಮಿಕರು ಬಾವಿಯ ಅವರಣಕ್ಕೆ ಕಾಂಕ್ರೀಟ್​ ಸ್ಲ್ಯಾಬ್​ ಹಾಕುವ ಕೆಲಸದಲ್ಲಿ ತೊಡಗಿದ್ದರು. ಬಾವಿಯ ತಳಭಾಗದಲ್ಲಿ ಮೃತ ವೆಂಕಪ್ಪ ಕೆಲಸ ಮಾಡುತ್ತಿದ್ದರೆ ಇನ್ನು ನಾಲ್ವರು ಮೇಲ್ಭಾಗದಲ್ಲೇ ಕೆಲಸ ಮಾಡುತ್ತಿದ್ದರು. ಈ ಸಂದರ್ಭ ಸ್ಲ್ಯಾಬ್​ ಹಠಾತ್ತನೆ ಕುಸಿದಿದ್ದು ಅದರಡಿ ಸಿಲುಕಿ ವೆಂಕಪ್ಪ ಮೃತಪಟ್ಟದ್ದಾರೆ.

  ಗಂಭೀರ ಗಾಯಗೊಂಡ ಮತ್ತೋರ್ವ ಕಾರ್ಮಿಕನನ್ನು ಅಶೋಕ್ ಶೇಟ್ ( 40) ಎಂದು ಗುರುತಿಸಲಾಗಿದೆ. ಘಟನೆ ಕುರಿತು ಬಜ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.