ಇಂಗ್ಲೆಂಡ್‌ ವಿರುದ್ಧ 270 ರನ್‌ಗಳ ಭರ್ಜರಿ ಜಯ- ಐತಿಹಾಸಿಕ ಲಾರ್ಡ್ಸ್‌ ಟೆಸ್ಟ್ ಗೆದ್ದ ಭಾರತ ಮಹಿಳಾ ತಂಡ

•   Mon, Jul 13 2026 09:47:17 PM



• ಲಂಡನ್‌, ಜು. 13 (DaijiworldNews/AK): ಐತಿಹಾಸಿಕ ಲಾರ್ಡ್ಸ್‌ ಅಂಗಳದಲ್ಲಿ ಹರ್ಮನ್‌ಪ್ರೀತ್ ಕೌರ್ ನಾಕಯತ್ವದ ಭಾರತ ಮಹಿಳಾ ಕ್ರಿಕೆಟ್‌ ತಂಡವು ಹೊಸ ಇತಿಹಾಸ ನಿರ್ಮಿಸಿದೆ. ಇಂಗ್ಲೆಂಡ್‌ ವಿರುದ್ಧ ನಡೆದ ಏಕೈಕ ಟೆಸ್ಟ್‌ ಪಂದ್ಯದಲ್ಲಿ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಚರಿತ್ರೆ ಸೃಷ್ಟಿಸಿದೆ.

  142 ವರ್ಷಗಳ ಐತಿಹಾಸಿಕ ಲಾರ್ಡ್ಸ್‌ ಮೈದಾನದಲ್ಲಿ ಮೊದಲ ಸಲ ಮಹಿಳಾ ಟೆಸ್ಟ್‌ಗೆ ಈ ಪಂದ್ಯ ಸಾಕ್ಷಿಯಾಗಿತ್ತು. ಈ ಪಂದ್ಯದಲ್ಲಿ ಹರ್ಮನ್‌ಪ್ರೀತ್ ಕೌರ್ ಪಡೆ 270 ರನ್‌ಗಳ ಭರ್ಜರಿ ಗೆಲುವು ದಾಖಲಿಸುವಲ್ಲಿ ಯಶಸ್ವಿಯಾಗಿದೆ.

  ಇತ್ತೀಚೆಗಷ್ಟೇ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಗ್ರೂಪ್ ಹಂತದಲ್ಲೇ ಹೊರಬಿದ್ದು ನಿರಾಸೆ ಮೂಡಿಸಿದ್ದ ಭಾರತ ಮಹಿಳಾ ಕ್ರಿಕೆಟ್ ತಂಡವು ಇದೀಗ ಲಾರ್ಡ್ಸ್‌ ಅಂಗಳದಲ್ಲಿ ಇಂಗ್ಲೆಂಡ್ ಗೆದ್ದು ಇನ್ನೂ ಅರ್ಧದಿನ ಬಾಕಿಯಿರುವಂತೆಯೇ ಪಂದ್ಯವನ್ನ ಮುಗಿಸಿದೆ.

  ಮೊದಲ ಇನ್ನಿಂಗ್ಸ್‌
  ಭಾರತ – 282/10, ಇಂಗ್ಲೆಂಡ್‌ – 170/10

  2ನೇ ಇನ್ನಿಂಗ್ಸ್‌
  ಭಾರತ – 341/7 ಡಿಕ್ಲೇರ್‌, ಇಂಗ್ಲೆಂಡ್‌ – 186/10