'ಪ್ರಜಾಪ್ರಭುತ್ವದಲ್ಲಿ ಚರ್ಚೆಗೆ ಹಕ್ಕಿದೆ, ಅರಾಜಕತೆ ಸೃಷ್ಟಿಸಲು ಹಕ್ಕಿಲ್ಲ'- ಸ್ಮೃತಿ ಇರಾನಿ

•   Sun, Aug 02 2026 03:30:40 PM



• ನವದೆಹಲಿ, ಆ. 02 (DaijiworldNews/AA): ಪ್ರಜಾಪ್ರಭುತ್ವದಲ್ಲಿ ಚರ್ಚಿಸಲು ಹಕ್ಕಿದೆ, ಅರಾಜಕತೆ ಸೃಷ್ಟಿಸಲು ಹಕ್ಕಿಲ್ಲ ಎಂದು ಮಾಜಿ ಕೇಂದ್ರ ಶಿಕ್ಷಣ ಸಚಿವೆ ಮತ್ತು ಬಿಜೆಪಿ ಹಿರಿಯ ನಾಯಕಿ ಸ್ಮೃತಿ ಇರಾನಿ ಸ್ಪಷ್ಟನೆ ನೀಡಿದ್ದಾರೆ.

  ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, "ನಿಮಗೆ ಪ್ರಜಾಪ್ರಭುತ್ವದಲ್ಲಿ ಚರ್ಚಿಸಲು, ವಿಚಾರ ವಿನಿಮಯ ಮಾಡಲು ಹಾಗೂ ಸರ್ಕಾರದ ವಿರುದ್ಧ ಭಿನ್ನಾಭಿಪ್ರಾಯ ವ್ಯಕ್ತಪಡಿಸಲು ಸಂಪೂರ್ಣ ಸಾಂವಿಧಾನಿಕ ಹಕ್ಕಿದೆ. ಆದರೆ, ಸಾರ್ವಜನಿಕ ಆಸ್ತಿಪಾಸ್ತಿ ಹಾನಿ ಮಾಡಲು ಅಥವಾ ಅರಾಜಕತೆ ಸೃಷ್ಟಿಸಲು ಹಕ್ಕಿಲ್ಲ" ಎಂದು ಹೇಳಿದರು.

  "ಜಂತರ್ ಮಂತರ್‌ನಲ್ಲಿ ನಡೆದ ಪ್ರತಿಭಟನೆಯ ನೆಪದಲ್ಲಿ ಸಮಾಜಘಾತಕ ಮತ್ತು ಕ್ರಿಮಿನಲ್ ಹಿನ್ನೆಲೆಯುಳ್ಳ ಶಕ್ತಿಗಳು ತೂರಿಬಂದಿರುವ ಸಾಧ್ಯತೆಗಳಿದೆ. ಸಂಪೂರ್ಣ ತನಿಖೆ ಮುಗಿಯುವ ಮುನ್ನ ತೀರ್ಮಾನಕ್ಕೆ ಬರಬಾರದು" ಎಂದು ತಿಳಿಸಿದರು.

  "ದೇಶದ ಲಕ್ಷಾಂತರ ಯುವಕರು ಸಶಸ್ತ್ರ ಪಡೆಗಳು ಹಾಗೂ ಪೊಲೀಸ್ ಇಲಾಖೆಯಲ್ಲಿ ದೇಶಸೇವೆ ಮಾಡುತ್ತಿದ್ದಾರೆ. ದೇಶಭಕ್ತಿ ಮತ್ತು ಸಾರ್ವಜನಿಕ ಮೌಲ್ಯಗಳು ಯಾವುದೇ ವಯಸ್ಸಿನ ಗಡಿಗೆ ಸೀಮಿತವಾಗಿಲ್ಲ" ಎಂದರು.