ಶ್ರೀನಗರದಲ್ಲಿ ಸ್ಯಾಟಲೈಟ್ ಫೋನ್ ಹೊಂದಿದ್ದ ಅಮೆರಿಕದ ಪ್ರಜೆ ಹಾಗೂ ಕೋಲ್ಕತ್ತಾದ ವ್ಯಕ್ತಿಯ ಬಂಧನ

•   Mon, Apr 20 2026 08:50:29 AM



• ಶ್ರೀನಗರ, ಏ. 20 (DaijiworldNews/AA): ಅಮೆರಿಕದ ಒಬ್ಬ ಪ್ರಜೆ ಹಾಗೂ ಕೋಲ್ಕತ್ತಾದ ಒಬ್ಬ ವ್ಯಕ್ತಿಯನ್ನು ಉಪಗ್ರಹ ದೂರವಾಣಿ (ಸ್ಯಾಟಲೈಟ್ ಫೋನ್) ಹೊಂದಿದ್ದ ಕಾರಣ ಶ್ರೀನಗರ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.

  ಬಂಧಿತರನ್ನು ಅಮೆರಿಕ ಪ್ರಜೆ ಜೆಫ್ರಿ ಸ್ಕಾಟ್ ಪ್ರೇಥರ್, ಆತನೊಂದಿಗೆ ಪ್ರಯಾಣಿಸುತ್ತಿದ್ದ ಕೋಲ್ಕತ್ತಾ ನಿವಾಸಿ ಹಾಲ್ದರ್ ಕೌಶಿಕ್ ಎಂದು ಗುರುತಿಸಲಾಗಿದೆ.

  ಭಾರತದಲ್ಲಿ ಯಾವುದೇ ವಿಧದ ಉಪಗ್ರಹ ದೂರವಾಣಿ (ಸ್ಯಾಟಲೈಟ್ ಫೋನ್) ಬಳಕೆ ಮಾಡಲು ದೂರಸಂಪರ್ಕ ಇಲಾಖೆಯಿಂದ ಪೂರ್ವಾನುಮತಿ ಹಾಗೂ ಪರವಾನಗಿ ಪಡೆಯುವುದು ಕಡ್ಡಾಯವಾಗಿದೆ. ತಮ್ಮ ವಸ್ತುಗಳ ಜೊತೆ ಸ್ಯಾಟಲೈಟ್ ಫೋನ್ ಭಾರತಕ್ಕೆ ತರುವವರು, ಆಗಮಿಸುವ ಕ್ಷಣದಲ್ಲೇ ಅದನ್ನು ಕಸ್ಟಮ್ಸ್ ಅಧಿಕಾರಿಗಳಿಗೆ ಘೋಷಿಸಬೇಕು.

  ಈ ಪ್ರಕರಣದಲ್ಲಿ ಇಬ್ಬರು ವ್ಯಕ್ತಿಗಳನ್ನು ಅಧಿಕಾರಿಗಳು ವಿಚಾರಣೆಗೊಳಪಡಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ವಿಶೇಷವಾಗಿ ಜಮ್ಮು ಮತ್ತು ಕಾಶ್ಮೀರ ಪ್ರದೇಶದಲ್ಲಿ ಇದು ಅತ್ಯಂತ ಸೂಕ್ಷ್ಮ ವಿಷಯವಾಗಿದ್ದು, ಪಾಕಿಸ್ತಾನ ಬೆಂಬಲಿತ ಉಗ್ರರು ಪರಸ್ಪರ ಸಂಪರ್ಕಕ್ಕಾಗಿ ಉಪಗ್ರಹ ಫೋನ್‌ಗಳನ್ನು ಬಳಸುವ ಸಾಧ್ಯತೆ ಇರುವುದರಿಂದ ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ.